ଖୋର୍ଦ୍ଧା: ଜେଏମଏଫସି କୋର୍ଟ କାର୍ଯ୍ୟର ସମୀକ୍ଷା କଲେ ଜିଲ୍ଲାଜଜ । ଖୋର୍ଦ୍ଧା ଜିଲ୍ଲା ବେଗୁନିଆ ବ୍ଲକର ବେଗୁନିଆ ଠାରେ ଜେଏମଏଫସି କୋର୍ଟ ପୁରୁଣା ତହସିଲ କାର୍ଯ୍ୟାଳୟରେ ଖୋଲିିିବ । ପୁୁରୁୁୁଣା କୋଠା ମରାମତି ଓ କୋର୍ଟର ଡାଏସ, ହାଜତ, ଉଇଟନେସ ବକ୍ସ, କୋର୍ଟ ରୁମ, ମହିଳା ଓ ପୁରୁଷଙ୍କ ପାଇଁ ଶୌଚାଳୟ ଏବଂ ଚ୍ୟାମ୍ବର ଆଦି ଜିଲ୍ଲାଜଜ ଆଜି ବୁୁଲି ଦେଖିଥିଲେ ।
ବେଗୁନିଆ ଅଞ୍ଚଳବାସୀ ଦୀର୍ଘ ଦିନଧରି କୋର୍ଟ ଖୋଲିବା ପାଇଁ ଦାବି କରିଆସୁୁୁଥିଲେ । ୨୦୧୭ ମସିିିହାରେ କୋର୍ଟ ଖୋଲିବା ପାଇଁ ବିଜ୍ଞପ୍ତି ଜାରି ହୋଇଥିଲା । ହେଲେ ପ୍ରଶାସନିକ ସ୍ତରରେ ଅବହେଳା ପାଇଁ ଆଜି ପର୍ଯ୍ୟନ୍ତ କୋର୍ଟ ଖୋଲି ପାରିନାହିଁ । ଆଜି ଯେଉଁଠାରେ କୋର୍ଟ ଖୋଲାଯିବ ସେହି ବିଲ୍ଡିଂ ସମସ୍ତ ଅବସ୍ଥା ଦେଖିଛନ୍ତି ଖୋର୍ଦ୍ଧା ଜିଲ୍ଲାଜଜ ରାମ ଶଙ୍କର ହୋତା । ଜିଲ୍ଲା ଜଜଙ୍କ ସହିତ କୋର୍ଟ ମ୍ୟାନେଜର, ବେଗୁନିଆ ତହସିଲଦାର, ବିଡ଼ିଓ, ବ୍ଲକ ସହକାରୀ ଯନ୍ତ୍ରୀ, ଜିଲ୍ଲା ଗ୍ରାମ୍ୟ ଉନ୍ନୟନ ବିଭାଗ କନିଷ୍ଠ ଯନ୍ତ୍ରୀଙ୍କ ସହିତ ସ୍ଥାନୀୟ ବୁଦ୍ଧିଜୀବୀ ମାନେ ଉପସ୍ଥିତ ଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
