ଖୋର୍ଦ୍ଧା: ମହାବୀର ଜୟନ୍ତୀ, ପଣା ସଂକ୍ରାନ୍ତି ବା ସମସ୍ତ ଓଡିଆଙ୍କ ପ୍ରିୟ ଓଡିଆ ନବବର୍ଷ । ବର୍ଷ ତମାମ ଏହି ଦିନଟିକୁ ପ୍ରତ୍ୟେକ ଓଡିଆ ଅପେକ୍ଷା କରି ରହିଥିବା ବେଳେ ବେଶ ଧୁମଧାମରେ ପାଳନ ହୁଏ ଏହି ପର୍ବ । ହେଲେ କୋରୋନା ପାଇଁ ଚଳିତ ବର୍ଷ ଏହି ଫିକା ପଡିଛି ପର୍ବ ପର୍ବାଣିର ମାହୋଲ । କାରଣ ସାଜିଛି କୋରୋନା ସଂକ୍ରମଣ । ହେଲେ ହଜାରେ ବାରଣ ସତ୍ତ୍ବେ ଜିଲ୍ଲାରେ ଝାମୁଯାତ୍ରାର ଆୟୋଜନ ହୋଇଥିବା ଦେଖିବାକୁ ମିଳିଛି ।
ଏହି ଦିନ ଦଣ୍ଡଯାତ୍ରାର ଶେଷ ଦିନ । ଅନେକ ମାନସିକଧାରୀ କାଳେସି ହୋଇ ନିଆଁରେ ଚାଲିବାର ପରମ୍ପରା ରହିଛି । ହେଲେ କୋରୋନା ସ୍ଥିତିକୁ ନଜରରେ ରଖି ପୋଲିସ ଝାମୁଯାତ୍ରା ହେବାକୁ ଥିବା ସ୍ଥାନଗୁଡିକରେ 144 ଧାରା ଲାଗୁ କରିଥିଲା । ତଥାପି ନିୟମକୁ ଖାତିର ନକରି ବୋଲଗଡ଼ ବ୍ଲକ ଅସରଳାର ଦଣ୍ଡ କମିଟି ଝାମୁଯାତ୍ରାର ଆୟୋଜନ କରୁଥିବା ଦେଖିବାକୁ ମିଳିଛି ।
ସାମାଜିକ ଦୂରତା ଏବଂ ପ୍ରଶାସନର ତାଗିଦକୁ ଭୁଲି କମିଟିର ଏପରି କାର୍ଯ୍ୟ ପ୍ରଶାସନ ପାଇଁ ଚ୍ୟାଲେଞ୍ଜ ପରି ମନେ ହେଉଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
