ଭୁବନେଶ୍ବର: ବହୁ ଚର୍ଚ୍ଚିତ ଗୋଲଡେନ ବାବା ଓରଫ ଜ୍ୟୋତି ରଂଜନ ବେଉରାଙ୍କ ସହଯୋଗୀ ଅଶ୍ବିନୀ କୁମାର ପ୍ରଧାନଙ୍କୁ କ୍ରାଇମବ୍ରାଞ୍ଚ ଗିରଫ କରିଛି । ଅଶ୍ବିନୀର ଘର ବାଣପୁର ଖୋର୍ଦ୍ଧାରେ ବୋଲି ଜଣାପଡିଛି। ସୂଚନା ମୁତାବକ ବଡବିଲର ନାସନାଲ ଏଣ୍ଟରପ୍ରାଇଜର୍ସର ମାଲିକ ସି ଏସ ଗ୍ରେୱାଲଙ୍କ ସହ ୧୧୦ କୋଟି ଲୋନ ଦେବା ପାଇଁ ଏଗ୍ରିମେଣ୍ଟ କରିଥିଲେ ଗୋଲଡେନ ବାବା ।
ଏଥିପାଇଁ ସିକ୍ୟୁରିଟି ବାବଦରେ ୧୧ଟି ଚେକ ଇସ୍ଯୁ କରିଥିଲେ । ହେଲେ ଗୋଲଡେନ ବାବା ଓ ତାଙ୍କ ସହଯୋଗୀ ଅଶ୍ବିନୀ ପ୍ରଧାନ ୧୨କୋଟିର ଟଙ୍କାର ଏକ ଚେକ ଇସ୍ଯୁ ହୋଇଥିଲା । ହେଲେ ସେହି ଚେକକୁ ଟାମ୍ପରିଂ କରି ୧.୪.୨୦୧୮ରେ ଭୁବନେଶ୍ବର ଆରବିଏଲ ବ୍ୟାଙ୍କରେ ଲଗାଇଥିଲେ ।
ଯାହାକି ନାସନାଲ ଏଣ୍ଟରପ୍ରାଇଜର୍ସର ମାଲିକଙ୍କୁ ଠକିବା ଉଦେଶ୍ଯରେ କରିଥିଲେ । ଏହି ଘଟଣା ବ୍ୟାଙ୍କ କର୍ତ୍ତୃପକ୍ଷ ଓ ସିଏସ ଗ୍ରେୱାଲଙ୍କ ନଜରକୁ ଆସିବା ପରେ ଏନେଇ ନାସନାଲ ଏଣ୍ଟରପ୍ରାଇଜର୍ସ ପକ୍ଷରୁ କ୍ରାଇମବ୍ରାଞ୍ଚ ନିକଟରେ ଅଭିଯୋଗ କରାଯାଇଥିଲା ।
ଯାହାକୁ ଭିତ୍ତି କରି ଅଶ୍ବିନୀ ପ୍ରଧାନ ଗୋଲଡେନ ବାବାଙ୍କୁ ଠକେଇର ସହଯୋଗ କରିବା ଆଧାରରେ ଆଇପିସିର ଧାରା ୪୬୭,୪୬୮,୪୭୧,୪୨୦,୧୨୦ (ବି )ରେ ଗିରଫ କରି କୋର୍ଟ ଚାଲାଣ କରିଛି କ୍ରାଇମବ୍ରାଞ୍ଚ । ଏ ନେଇ ତଦନ୍ତ ଜାରି ରଖିଛି କ୍ରାଇମବ୍ରାଞ୍ଚ । ତେବେ ପୂର୍ବରୁ ଗତ ୩୧.୧୨.୨୦୧୮ରେ ଗୋଲଡେନ ବାବା ଓରଫ ଜ୍ଯୋତି ରଂଜନ ବେଉରା ଗିରଫ ହୋଇ ଏବେ ବିଚାରବିଭାଗୀୟ ହାଜତରେ ଝାରପଡା ଜେଲରେ ଅଛନ୍ତି।
ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ
