ଖୋର୍ଦ୍ଧା: ଜିଲ୍ଲାର କମଗୁରୁ ରାସ୍ତାକଡ଼ରୁ ଶନିବାର ଜଣେ ଯୁବକଙ୍କ ମୃତଦେହକୁ ପୋଲିସ ଉଦ୍ଧାର କରିଛି । ଯୁବକଙ୍କ ମୃତ୍ୟୁ ସଂପର୍କରେ ପୋଲିସକୁ ସଠିକ୍ ସୂଚନା ମିଳିନଥିବା ବେଳେ ପୋଲିସ ଅଧିକ ତଦନ୍ତ ଜାରି ରଖିଛି ।
ମୃତ ଯୁବକ ଜଣଙ୍କ ନୟାଗଡ଼ ଜ଼ିଲ୍ଲା ରଣପୁର ବ୍ଲକ ଚମ୍ପାଗଡ଼ ପଞ୍ଚାୟତ ଚମ୍ପାଗଡ଼ ଗାଁର ଦୁର୍ଯ୍ୟୋଧନ ମହାରଣା(42)ଙ୍କ ପୁଅ ବିଶ୍ବଜିତ ମହାରଣା ବୋଲି ଜଣାପଡିଛି । ତେବେ ସେ ଗତ 30 ତାରିଖରୁ ନିଖୋଜ ଥିବା ମୃତକଙ୍କ ସାନ ଭାଇ ବିଶ୍ବଜିତ ମହାରଣା ଚାନ୍ଦପୁର ଥାନାରେ ଲିଖିତ ଅଭିଯୋଗ କରିଥିଲେ ।
ଯୁବକଙ୍କ ଏପରି ଅଚାନକ ନିଖୋଜ ସଂପର୍କରେ ପରିବାରବର୍ଗ ଜାଣିପାରିନଥିବା ବେଳେ ମୃତ୍ୟୁ ଖବର ସେମାନଙ୍କୁ ସ୍ତବ୍ଧ କରିଦେଇଛି । ସେପଟେ ଚାନ୍ଦପୁର ଥାନା ପୋଲିସ ମୃତଦେହକୁ ଉଦ୍ଧାର କରିଥିବା ବେଳେ ଅଧିକ ତଦନ୍ତ ଜାରି ରଖିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
