ଖୋର୍ଦ୍ଧା: ଖୋର୍ଦ୍ଧା ରୋଡ଼ ରେଳ ଡ଼ିଭିଜନ ଅନ୍ତର୍ଗତ ସୋଲରୀ ରେଳଷ୍ଟେସନ ନିକଟରୁ ଆଜି ଜଣେ ଅଜଣା ମହିଳାଙ୍କ ମୃତଦେହ ଉଦ୍ଧାର ହୋଇଛି । ମୃତ ମହିଳାଙ୍କ ବୟସ ୪୦ ରୁ ୪୫ ବର୍ଷ ହେବ ବୋଲି ଅନୁମାନ କରାଯାଉଛି ।
କାର୍ଯ୍ୟରତ ଗ୍ୟାଙ୍ଗମ୍ୟାନ ପ୍ରଥମେ ମୃତଦେହ ଦେଖିବା ପରେ ବାଲୁଗାଁ ରେଳ ସୁରକ୍ଷା ବଳକୁ ଜଣାଇବା ପରେ ବାଲୁଗାଁ ରେଳ ସୁରକ୍ଷା ବଳ ଥାନା ଅଧିକାରୀ ମହେଶ୍ୱର ଚଣ୍ଡରାୟ ତୁରନ୍ତ ଖୋର୍ଦ୍ଧା ଜିଆରପିକୁ ଜଣାଇଥିଲେ ।
ଖବର ପାଇ ଖୋର୍ଦ୍ଧା ରୋଡ଼ ଜିଆରପି ଉପନିରୀକ୍ଷକ ଧରଣୀଧର ପ୍ରଧାନ ଏବଂ ଚିଲିକା ଅତିରିକ୍ତ ତହସିଲଦାର ଅପର୍ଣ୍ଣା ଡେଙ୍ଗୁଆ ଘଟଣା ସ୍ଥଳରେ ପହଁଚି ମୃତଦେହକୁ ଜବତ କରିଥିଲେ । ମୃତ୍ୟୁର କାରଣ ଏଯାଏଁ ସ୍ପଷ୍ଟ ହୋଇ ନଥିବା ବେଳେ ପ୍ରାଥମିକ ତଦନ୍ତରୁ କୌଣସି ଚଳନ୍ତା ଟ୍ରେନରୁ ଖସିପଡ଼ିଥବା ଅନୁମାନ କରାଯାଉଛି । ବ୍ୟବଚ୍ଛେଦ ରିପୋର୍ଟରୁ ପ୍ରକୃତ କାରଣ ଜଣାପଡିବ ବୋଲି ଜିଆରପି ଅଧିକାରୀ ଜଣାଇଛନ୍ତି l
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ
