ଖୋର୍ଦ୍ଧା: ପୃଥିବୀରେ କୋରୋନା ଭୂତାଣୁ ତାଣ୍ଡବ ରଚିଥିବା ବେଳେ ପୁରା ବିଶ୍ବର ଶିକ୍ଷା ବ୍ୟବସ୍ଥା ଓ ଶିକ୍ଷାନୁଷ୍ଠାନର ମେରୁଦଣ୍ଡ ଦୋହଲାଇ ଦେଇଛି । ଏପରି ସମୟରେ କୋରୋନା ମହାମାରୀରୁ ସମାଜ ଓ ବିଶ୍ବକୁ ସୁରକ୍ଷା ଦେବାରେ ନିୟୋଜିତ ବ୍ୟକ୍ତିବିଶେଷମାନଙ୍କୁ କୋରୋନା ଯୋଦ୍ଧାର ସମ୍ମାନ ଦିଆଯାଇଛି । ଏପରି ସ୍ଥିତିରେ ସିଭିରମଣ ଗ୍ଲୋବାଲ ବିଶ୍ବବିଦ୍ୟାଳୟ କୋରୋନା ଯୋଦ୍ଧାଙ୍କ ସନ୍ତାନମାନଙ୍କ ଉଚ୍ଚଶିକ୍ଷା ପାଇଁ 5 କୋଟିର ଶିକ୍ଷାବୃତ୍ତି ଘୋଷଣା କରିଛି ।
କୋରୋନା ମୁକାବିଲାରେ ଡାକ୍ତର, ସ୍ବାସ୍ଥ୍ୟକର୍ମୀ, ପୋଲିସ, ସଫେଇ କର୍ମଚାରୀ ଓ ସାମ୍ବାଦିକଙ୍କ ଭଳି ଅନେକ ବ୍ୟକ୍ତିବିଶେଷମାନେ ଯୋଦ୍ଧା ସାଜିଛନ୍ତି । ଏହି ଯୋଦ୍ଧାଙ୍କ ପିଲାମାନଙ୍କ ଉଚ୍ଚଶିକ୍ଷା ପାଇଁ ଭୁବନେଶ୍ବର ସିଭିରମଣ ଗ୍ଲୋବାଲ ବିଶ୍ବବିଦ୍ୟାଳୟ ଚଳିତ ଶିକ୍ଷାବର୍ଷରେ ପାଞ୍ଚ କୋଟି ଟଙ୍କାର ଶିକ୍ଷାବୃତ୍ତି ଆଣିଛି । ସିଭିରମଣ ଗ୍ଲୋବାଲ ବିଶ୍ବବିଦ୍ୟାଳୟର ସଭାପତି ସଞ୍ଜୀବ କୁମାର ରାଉତ ଏକ ସାମ୍ବାଦିକ ସମ୍ମିଳନୀରେ ଏହା ସୂଚନା ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
