ଖୋର୍ଦ୍ଧା: ମାନିଲେନି କୋରୋନା କଟକଣା, ସିଲ ହେଲା ଦୋକାନ । ଖୋର୍ଦ୍ଧା ପୌରାଞ୍ଚଳରେ ଥିବା ଦୋକାନ ଗୁଡିକ କୋରୋନା ଗାଉଡଲାଇନ ଉଲ୍ଲଙ୍ଘନ ଯୋଗୁ ପୌରାଞ୍ଚଳ ପକ୍ଷରୁ ସଂପୃକ୍ତ ଦୋକାନ ଗୁଡିକୁ ସିଲ କରାଯାଇଛି ।
କୋରୋନା ଆତଙ୍କରେ ସାରା ବିଶ୍ବ ଆତଙ୍କିତ ହୋଇଥିବା ବେଳେ ଏହାକୁ ନିୟନ୍ତ୍ରଣ କରିବା କଷ୍ଟକର ହୋଇପଡ଼ିଛି । ଦେଶ ତଥା ରାଜ୍ୟରେ ଦିନକୁ ଦିନ ବୃଦ୍ଧି ପାଉଛି କୋରୋନା ଆକ୍ରାନ୍ତଙ୍କ ସଂଖ୍ୟା । ଏହାକୁ ଦୃଷ୍ଟିରେ ରଖି ଖୋର୍ଦ୍ଧା ଜିଲା ପ୍ରଶାସନ କଡା ପଦକ୍ଷେପ ଗ୍ରହଣ କରିଛନ୍ତି । ଖୋର୍ଦ୍ଧାରେ ବ୍ୟବସାୟିକ ପ୍ରତିଷ୍ଠାନ ଗୁଡିକ ସରକାରଙ୍କ ଗାଇଡଲାଇନ ମାନିବା ସହ ସକାଳ 5ଟା ରୁ ସନ୍ଧ୍ୟା 7ଟା ପର୍ଯ୍ୟନ୍ତ ବ୍ୟବସାୟ ପ୍ରତିଷ୍ଠାନ ଖୋଲା ରଖିବାକୁ ନିର୍ଦ୍ଦେଶ ଦେଇଥିଲେ । ଏଥିସହ ଡାକବାଜି ଯନ୍ତ୍ର ସାହାଯ୍ୟରେ ପ୍ରଶାସନ ପକ୍ଷରୁ ବ୍ୟବସାୟୀ ମାନଙ୍କୁ କୋଭିଡ ନିୟମ ମାନି ଚାଲିବାକୁ ସତର୍କ ଓ ସଚେତନ କରାଯାଉଛି ।
ସେହିପରି ଜିଲ୍ଲା ପ୍ରଶାସନ ସାମାଜିକ ଦୂରତା ଓ ମାସ୍କ ବ୍ୟବହାର କଡାକଡି କରି ଫାଇନ ମଧ୍ୟ ଆଦାୟ କରାଯାଉଛି । କିନ୍ତୁ ଗୁରୁବାର ଖୋର୍ଦ୍ଧା ସହରରେ ଥିବା ସୁନା ଦୋକାନ, ଜୁସ ଦୋକାନ, ଫାଷ୍ଟ ଫୁଡ଼ ଦୋକାନ ଭଳି 7ଟି ଦୋକାନ କୋଭିଡ ନିୟମ ଉଲ୍ଲଘଂନ ଅଭିଯୋଗରେ ପୌର ଅଧିକାରୀଣୀ ଉକ୍ତ ବ୍ୟବସାୟିକ ପ୍ରତିଷ୍ଠାନକୁ ସିଲ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
