ଖୋର୍ଦ୍ଧା: ବେଗୁନିଆ ବୋଲଗଡରେ ପୁଣି ଫେରିବ କଂଗ୍ରେସ । ନିଜ ପୂର୍ବ ଗୌରବ ଦୋହରାଇବ ବୋଲି ପ୍ରତିକ୍ରିୟା ରଖିଛନ୍ତି କଂଗ୍ରେସ ବିଧାୟକ ସୁର ରାଉତରାୟ । ପୂର୍ବତନ ମୁଖ୍ୟମନ୍ତ୍ରୀ ଜାନକୀବଲ୍ଲଭ ପଟ୍ଟନାୟକଙ୍କ ପୁତ୍ର ମଙ୍ଗ ଧରିବେ ବୋଲି କହିଛନ୍ତି ସୁର ।
ବେଗୁନିଆ ବୋଲଗଡ଼ରେ ପୁଣି ଫେରିବ କଂଗ୍ରେସ : ସୁର
ଆଗକୁ ଆସୁଛି ପଞ୍ଚାୟତ ନିର୍ବାଚନ ଏଥିପାଇଁ ତିନି ପ୍ରମୁଖ ଦଳ ସେମାନଙ୍କର ରଣନୀତି ଆରମ୍ଭ କରିଦେଲେଣି । ତୃଣମୂଳ ସ୍ତରରୁ ଭୋଟରଙ୍କୁ ଆକୃଷ୍ଟ କରିବା ପାଇଁ ନେତାମାନେ ଗାଁକୁ ଗସ୍ତ କଲେଣି । ଆଉ ଏହି ସମୟରେ କଂଗ୍ରେସର ଗଡ଼ ଥିବା ବେଗୁନିଆ ବୋଲଗଡ଼ ଅଞ୍ଚଳରେ କଂଗ୍ରେସର ମଙ୍ଗ ଜାନକୀଙ୍କ ପୁଅ ପୃଥ୍ଵୀବଲଭ ସମ୍ଭାଳିବେ ବୋଲି କହିଛନ୍ତି କଂଗ୍ରେସର ବରିଷ୍ଠ ନେତା ତଥା ଖୋର୍ଦ୍ଧା ଜିଲା କଂଗ୍ରେସ ସଭାପତି ସୁର ରାଉତରାୟ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
