ଭୁବନେଶ୍ବର: କଂଗ୍ରେସ ଉପରୁ ଆସ୍ଥା ହରାଉଛନ୍ତି ନେତା । ଭବିଷ୍ୟତ ପାଇଁ ଚାଲିଛି ଦଳବଦଳ ପର୍ବ । ନିର୍ବାଚନର 6 ମାସ ପୂର୍ବରୁ ଆରମ୍ଭ ହୋଇଥିବା ଏହି ଟ୍ରେଣ୍ଡ ଏବେ ବି ଜାରି ରହିଛି । ଗତକାଲି ଅର୍ଥାତ୍ ମଙ୍ଗଳବାର ପାରଳାଖେମୁଣ୍ଡିର ପୁରୁଖାନେତା କେ. ସୂରିୟା ରାଓ ଦଳ ଛାଡ଼ିବା ପରେ ମନ୍ତବ୍ୟ ରଖିଛନ୍ତି ପିସିସି ସଭାପତି ।
ଭିଡ଼ିଓ ସୌଜନ୍ଯ: ସମ୍ବାଦଦାତା, ଭୁବନେଶ୍ବର
ନେତୃତ୍ୱରେ ଅସନ୍ତୋଷ ପ୍ରକାଶ କରିବା ସହିତ ନିଜ ରାଜନୈତିକ କ୍ୟାରିଅରକୁ ଦେଖି ସୁବିଧାଜନକ ମୂଳଦୁଆ ପକାଇବା ପାଇଁ ଅଣ୍ଟା ଭିଡିଛନ୍ତି ଅନେକ ନେତା । ଦକ୍ଷିଣ ଓଡ଼ିଶାର ଟାଣୁଆ ନେତା ତଥା ପାରଳାଖେମୁଣ୍ଡି ପୂର୍ବତନ ବିଧାୟକ କେ. ସୂରିୟା ରାଓ ଇସ୍ତଫା ଦେବା ପରେ ନିରଞ୍ଜନ ପଟ୍ଟନାୟକ କହିଛନ୍ତି ଦଳର ବିପର୍ଯ୍ୟୟରେ ଯିଏ ଦଳ ଛାଡ଼ିବା କଥା ଛାଡ଼ନ୍ତୁ ।
ନିଜର ସୁବିଧାଜନକ ସ୍ଥିତି ପାଇଁ ଯେଉଁମାନେ ଦଳ ଛାଡ଼ୁଛନ୍ତି ଆଗାମୀ ପାଞ୍ଚବର୍ଷ ସେମାନଙ୍କ ପାଇଁ ଉପଯୁକ୍ତ ସମୟ ନୁହେଁ ବୋଲି କହିଛନ୍ତି ନିରଞ୍ଜନ ।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
