ହାଇଦ୍ରାବାଦ: ଅଭିଷେକ ବଚ୍ଚନଙ୍କ ଅଭିନୀତ ଚଳଚ୍ଚିତ୍ର 'I Want To Talk' ର ଟ୍ରେଲର ଆଜି ଅର୍ଥାତ୍ ନଭେମ୍ବର 4 ରେ ମୁକ୍ତିଲାଭ କରିଛି । ପାରିବାରିକ କଳହକୁ ନେଇ ଅଭିଷେକ ବଚ୍ଚନ ଆଜିକାଲି ଶିରୋନାମାରେ ରହିଥିବା ବେଳେ ଏହି ସମୟରେ ତାଙ୍କ ଫିଲ୍ମର ଟ୍ରେଲର 'I Want To Talk' ର ଟ୍ରେଲର ରିଲିଜ ହୋଇଛି । ଫିଲ୍ମଟି ଏକ ଭାବନାତ୍ମକ କାହାଣୀ ହୋଇଥିବା ବେଳେ ଅଭିଷେକ ବଚ୍ଚନଙ୍କୁ ନୂଆ ଅବତାରରେ ଦେଖିବାକୁ ମିଳିଛି । ଯାହାକୁ ନେଇ ଫ୍ୟାନ୍ସ ଫିଲ୍ମ ଦେଖିବାକୁ ଉତ୍ସାହିତ ରହିଛନ୍ତି ।
'ଆଇ ୱାଣ୍ଟ ଟୁ ଟକ୍' ଟ୍ରେଲର ରିଲିଜ
2.28 ସେକେଣ୍ଡର 'I Want To Talk' ଟ୍ରେଲରରେ ଏକ ଅସୁସ୍ଥ ପିତା (ଅଭିଷେକ ବଚ୍ଚନ) ଅର୍ଜୁନ ନାମକ ଏକ ଚରିତ୍ରରେ ଅଭିନୟ କରୁଛନ୍ତି । ଅଭିଷେକ ସ୍ପାଇନାଲ୍ ରୋଗରେ ପୀଡିତ ଏବଂ ତାଙ୍କ ପାଖରେ ବହୁତ କମ୍ ସମୟ ଅଛି । ଏହି ସମୟରେ, ସେ ଅସୁସ୍ଥତା ମଧ୍ୟରେ ନିଜ ଝିଅର ଯତ୍ନ ନିଅନ୍ତି । ଏହାର ଅର୍ଥ ଅଭିଷେକ ଏକାକୀ ପିତା ଭୂମିକାରେ ଅଭିନୟ କରିଛନ୍ତି । ଏଥିରେ କଣ ରହିଛି ଟ୍ୱିଷ୍ଟ ତାହା ଫିଲ୍ମ ଦେଖିବା ପରେ ଜାଣିପାରିବେ ।
ଫିଲ୍ମ କେବେ ରିଲିଜ ହେବ ?
'I Want To Talk' ର ସ୍କ୍ରିନ୍ ପ୍ଲେ ଏବଂ ସଂଳାପକୁ ରିତେଶ ଶାହା ଲେଖିଛନ୍ତି । ଏହି ଚଳଚ୍ଚିତ୍ରର ନିର୍ମାତା ହେଉଛନ୍ତି ରୋନି ଲାହିରି ଏବଂ ଶେଲ କୁମାର । ହି ଫିଲ୍ମର ନିର୍ଦ୍ଦେଶନା ସୁଜିତ ସରକାର ଦେଇଛନ୍ତି । ଯିଏ ତାଙ୍କ ଚଳଚ୍ଚିତ୍ର ପାଇଁ 13ଟି ଜାତୀୟ ପୁରସ୍କାର ଜିତିଛନ୍ତି । ଏହି ଚଳଚ୍ଚିତ୍ରରେ ମୋତି ଦେ, ଅହିଲିଆ ବମ୍ବୁରୁ, ଅଭିଷେକ ବଚ୍ଚନ, ଜୟନ୍ତ କ୍ରିପାଲାନି, ଖ୍ରୀଷ୍ଟିନ୍ ଗୋଡାର୍ଡ ଏବଂ ଜନି ଲିଭର ପ୍ରମୁଖ ଭୂମିକାରେ ନଜର ଆସିବେ । 'I Want To Talk' 22 ନଭେମ୍ବରରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି ।
ଏହା ମଧ୍ୟ ପଢନ୍ତୁ: 'I Want To Talk' ଟିଜର ରିଲିଜ, ନୂଆ ଅବତାରରେ ନଜର ଆସିଲେ ଅଭିଷେକ ବଚ୍ଚନ
ଅଭିଷେକ ବଚ୍ଚନଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, 'I Want To Talk' ବ୍ୟତୀତ ଅଭିଷେକ ମେଗାଷ୍ଟାର ଶାହରୁଖ ଖାନ ଏବଂ ତାଙ୍କ ଝିଅ ସୁହାନା ଖାନଙ୍କ ସହ ବହୁ ପ୍ରତୀକ୍ଷିତ ଚଳଚ୍ଚିତ୍ର 'କିଙ୍ଗ'ରେ ନଜର ଆସିବାର ଯୋଜନା ରହିଛି । ସୁଜୟ ଘୋଷଙ୍କ ଦ୍ୱାରା ନିର୍ଦ୍ଦେଶିତ ଏବଂ ସିଦ୍ଧାର୍ଥ ଆନନ୍ଦଙ୍କ ଦ୍ୱାରା ନିର୍ମିତ, ଏଥିରେ ଅଭିଷେକଙ୍କର ଏକ ଭିନ୍ନ ପାର୍ଶ୍ୱ ପ୍ରଦର୍ଶନ କରିବେ ବୋଲି ଆଶା କରାଯାଉଛି, କାରଣ ସେ ନକାରାତ୍ମକ ଭୂମିକାରେ ଏହି ଫିଲ୍ମରେ ନଜର ଆସିବେ ବୋଲି କୁହାଯାଉଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
