ଭୁବନେଶ୍ବର: 19ତମ ଏସୀୟ କ୍ରୀଡାରେ ପଦକ ଜିତିଥିବା ଓଡିଆ ହକି ଖେଳାଳିଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମ୍ବର୍ଦ୍ଧିତ ଓ ପୁରସ୍କୃତ କରିଛନ୍ତି । ଭାରତୀୟ ପୁରୁଷ ହକି ଦଳର ସ୍ବର୍ଣ୍ଣ ପଦକ ବିଜେତା ଅମିତ ରୋହିଦାସ ଓ ମହିଳା ହକି ଦଳର ଦୀପଗ୍ରେସ ଏକ୍କାଙ୍କୁ ସମ୍ବର୍ଦ୍ଧିତ କରିଛନ୍ତି ମୁଖ୍ୟମନ୍ତ୍ରୀ । ଅମିତଙ୍କୁ 1.5 କୋଟି ଓ କାଂସ୍ୟ ପଦକ ବିଜେତା ଦୀପଗ୍ରେସଙ୍କୁ 50 ଲକ୍ଷ ଟଙ୍କା ଆର୍ଥିକ ପୁରସ୍କାର ପ୍ରଦାନ କରିଛନ୍ତି । ଦୁଇ ଖେଳାଳିଙ୍କ ଉଲ୍ଲେଖନୀୟ ପ୍ରଦର୍ଶନ ରାଜ୍ୟକୁ ଗର୍ବିତ କରିଥିବା କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
ଏସୀୟ କ୍ରୀଡ଼ାରେ ଭାରତୀୟ ପୁରୁଷ ହକି ଦଳ ସ୍ବର୍ଣ୍ଣିମ ସଫଳତା ହାସଲ କରିଥିଲା । ଡିଫେଣ୍ଡିଂ ଚମ୍ପିଆନ ଜାପାନକୁ ହରାଇ ସ୍ବର୍ଣ୍ଣ ପଦକ ଜିତିଥିଲା । ଅମିତ ରୋହିଦାସ ଏହି ମ୍ୟାଚରେ ଏକ ଗୋଲ ସ୍କୋର କରିଥିଲେ । ଅମିତ ଭାରତୀୟ ପୁରୁଷ ହକି ଦଳର ନିୟମିତ ଓ ନିର୍ଭରଯୋଗ୍ୟ ଖେଳାଳୀ । ସେହିପରି ଦୀପଗ୍ରେସ ଏକ୍କା ବିଶ୍ଵ ହକିର ଷ୍ଟାର ଖେଳାଳୀ ଭାବେ ପରିଚିତ । ରାଜ୍ୟର ମହିଳା କ୍ରୀଡ଼ାବିତଙ୍କ ପାଇଁ ସେ ପ୍ରେରଣାର ଉତ୍ସ । ଏସୀୟ କ୍ରୀଡାରେ ବ୍ରୋଞ୍ଜ ପଦକ ହାସଲ କରିଥିଲା ମହିଳା ହକି ଦଳ ।
ନବୀନ ନିବାସରେ ଆୟୋଜିତ ଏହି ସମ୍ବର୍ଦ୍ଧନା ଉତ୍ସବରେ ଦୁଇ ହକି ଖେଳାଳିଙ୍କୁ ସମ୍ବର୍ଦ୍ଧନା କରାଯାଇଛି । ସେମାନଙ୍କ ପ୍ରତିବଦ୍ଧତା ଏବଂ ପରିଶ୍ରମ ପାଇଁ ଉଭୟ ଖେଳାଳିଙ୍କୁ ଅଭିନନ୍ଦନ ଜଣାଇଛନ୍ତି ମୁଖ୍ୟମନ୍ତ୍ରୀ । ଉଭୟ ଅମିତ ରୋହିଦାସ ଏବଂ ଦୀପ ଗ୍ରେସ ଏକ୍କା ଏହି ସମ୍ମାନ ପାଇଁ କୃତଜ୍ଞତା ଜଣାଇଛନ୍ତି । ସେମାନଙ୍କ କ୍ରୀଡ଼ା ସଫଳତା ଦ୍ୱାରା ଓଡ଼ିଶା ଏବଂ ଦେଶ ପାଇଁ ଅଧିକ ଗୌରବ ଆଣିବାକୁ କଠିନ ପରିଶ୍ରମ ଜାରି ରଖିବୁ ବୋଲି ଉଭୟ କହିଛନ୍ତି ।
-
CM @Naveen_Odisha felicitated #Odisha's hockey players, Amit Rohidas and Deep Grace Ekka, for their remarkable feat in the recently concluded Hangzhou #AsianGames. CM felicitated Amit Rohidas with a cash award of ₹1.5 Cr, while Deep Grace Ekka was felicitated with a cash prize… pic.twitter.com/9QE5Nnt5BS
— CMO Odisha (@CMO_Odisha) October 11, 2023 " class="align-text-top noRightClick twitterSection" data="
">CM @Naveen_Odisha felicitated #Odisha's hockey players, Amit Rohidas and Deep Grace Ekka, for their remarkable feat in the recently concluded Hangzhou #AsianGames. CM felicitated Amit Rohidas with a cash award of ₹1.5 Cr, while Deep Grace Ekka was felicitated with a cash prize… pic.twitter.com/9QE5Nnt5BS
— CMO Odisha (@CMO_Odisha) October 11, 2023CM @Naveen_Odisha felicitated #Odisha's hockey players, Amit Rohidas and Deep Grace Ekka, for their remarkable feat in the recently concluded Hangzhou #AsianGames. CM felicitated Amit Rohidas with a cash award of ₹1.5 Cr, while Deep Grace Ekka was felicitated with a cash prize… pic.twitter.com/9QE5Nnt5BS
— CMO Odisha (@CMO_Odisha) October 11, 2023
ପ୍ରକାଶ ଥାଉ କି, ଚୀନର ହଙ୍ଗଝୌରେ ସଦ୍ୟ ସମାପ୍ତ 19ମ ଏସୀୟ କ୍ରୀଡ଼ାରେ ଭାରତୀୟ ପୁୁରୁଷ ହକି ଦଳ ଡିଫେଣ୍ଡିଂ ଚମ୍ପିଆନ୍ ଜାପାନକୁ ୫-୧ ଗୋଲରେ ମାତ୍ ଦେଇ ସ୍ବର୍ଣ୍ଣ ପଦକ ହାସଲ କରିଥିଲା । ଏହି ମ୍ୟାଚ୍ରେ ଅମିତ ରୋହିଦାସ ଏକ ଗୋଲ୍ କରିଥିଲେ । ଭାରତୀୟ ଦଳର ସଫଳତା ପରେ ମୁଖ୍ୟମନ୍ତ୍ରୀ ପ୍ରତି ଖେଳାଳିଙ୍କୁ ପୁରସ୍କାର ରାଶି ସହ ଘୋଷଣା ଅମିତ ରୋହିଦାସଙ୍କୁ ଦେଢ଼ କୋଟି ଟଙ୍କା ପୁରସ୍କାର ରାଶି ଘୋଷଣା କରିଥିଲେ । ସେହିପରି ମହିଳା ହକି ଦଳ ଏସୀୟ କ୍ରୀଡ଼ାରେ ବ୍ରୋଞ୍ଜ ପଦକ ହାସଲ କରିଥିଲା । ଦୀପଗ୍ରେସ ଏକ୍କାଙ୍କୁ 50 ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିଲେ ମୁଖ୍ୟମନ୍ତ୍ରୀ । ଏସୀୟ କ୍ରୀଡ଼ାରେ ମୋଟ 3 ଓଡ଼ିଆ ପଦକ ହାସଲ କରିଥିଲେ । ଅମିତ, ଦୀପଗ୍ରେସଙ୍କ ବ୍ୟତୀତ ଜାଭେଲିନ ଥ୍ରୋରେ କିଶୋର ଜେନା ରୌପ୍ୟ ପଦକ ଜିତିଥିଲେ । କିଶୋରଙ୍କୁ 1.5କୋଟ ଟଙ୍କା ପୁରସ୍କାର ରାଶି ଘୋଷଣା କରିଥିଲେ ମୁଖ୍ୟମନ୍ତ୍ରୀ ।
ଇଟିଭି ଭାରତ, ଭୁବନେଶ୍ବର
