ଭୁବନେଶ୍ବର: ରାଜଧାନୀ ଏବେ ପାଲଟିଛି ଚେନ୍ ଲୁଟେରାଙ୍କ ଆଡ୍ଡାସ୍ଥଳୀ । ଦିନ ଦିପହରରେ ନିର୍ଭୟରେ ସୁଯୋଗ ଦେଖି ଲୁଟଛନ୍ତି ଚେନ । କିନ୍ତୁ ଧରା ପଡିଲେ ଖାଉଛନ୍ତି ନିର୍ଧୁମ ମାଡ଼ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ରବିବାର ଏପରି ଏକ ଘଟଣା ଘଟିଛି କଳ୍ପନା ଛକରେ । ଏକ ବିବାହ ଉତ୍ସବରେ ଯୋଗ ଦେବା ପାଇଁ ଆସିଥିବା ଜଣେ ମହିଳା ଫଳ କିଣୁଥିଲେ । କିନ୍ତୁ ସେଠାରେ ସନ୍ଦେହଜନକ ଅବସ୍ଥାରେ ବୁଲୁଥିବା ଜଣେ ଯୁବକ ସମୟ ଦେଖି ଉକ୍ତ ମହିଳାଙ୍କର ସୁନା ହାର ଲୁଟି ନେଇଥିଲା । ପରେ ମହିଳା ଜଣକ ଘଟଣା ସ୍ଥଳରେ ଜୋରରେ ପାଟି କରିଥିଲେ ।
ସେଠାରେ ଉପସ୍ଥିତ ଥିବା ସ୍ଥାନୀୟ ଲୋକେ ଯୁବକଟିକୁ କାବୁ କରି ନିର୍ଧୁମ ମାଡ ମାରିଥିଲେ । ଲକ୍ଷ୍ମୀସାଗର ପୋଲିସ ଖବର ପାଇ ଘଟଣା ସ୍ଥଲରେ ପହଁଚିଥିଲା । ପରେ ଲୁଟର ଶିକାର ହୋଇଥିବା ଖୋର୍ଦ୍ଧା ବେଗୁନିଆର ରଶ୍ମିତା ସେନାପତି ଲକ୍ଷ୍ମୀସାଗର ଥାନାରେ ଏକ ମାମଲା ରୁଜୁ କରିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
