ଭୁବନେଶ୍ବର: ରାଜଧାନୀରେ ପୂର୍ବତନ ହକି ତାରକା ପ୍ରବୋଧ ତିର୍କିଙ୍କ ଘରୁ ଚୋରି ଘଟଣା । ଚୋର ଚୋରି କରୁଥିବା ସମୟରେ ସିସିଟିଭି ଫୁଟେଜ ଏବେ ସାମ୍ନାକୁ ଆସିଛି । ଯେଉଁ ଥିରେ ଜଣେ ଯୁବକ ଏକ ଅଟୋକୁ ଟାଣି ଟାଣି ନେଉଥିବାର ଦେଖିବାକୁ ମିଳିଥିବା ବେଳେ ଅନ୍ୟ ଜଣେ ଯୁବକ ପାଚେରି ଡେଇଁ ହକି ଖେଳାଳିଙ୍କ ଘରକୁ ଯାଉଥିବା ଦେଖିବାକୁ ମିଳିଛି । ସିସିଟିଭି ଭିଡିଓ ସାମ୍ନାକୁ ଆସିବା ପରେ ପାଞ୍ଚ ଜଣ ଅଭିଯୁକ୍ତଙ୍କୁ ଗିରଫ କରିଛି କମିଶନରେଟ ପୋଲିସ । ପାଞ୍ଚ ଅଭିଯୁକ୍ତ ହେଉଛନ୍ତି ହେଉଛନ୍ତି ସୁକାନ୍ତ ନାୟକ, ଚିତ ରଞ୍ଜନ ଦାସ , ମିଲୁ ବେହେରା, ଜି ଗଙ୍ଗା ଓ ରାଜା ମହଲିକ ।
ତେବେ ଏହି 5 ଚୋର ପୂର୍ବତନ ହକି ଖେଳାଳି ତଥା ପୂର୍ବତନ ହକି କ୍ୟାପଟେନ ପ୍ରବୋଧ ତିର୍କିଙ୍କ ଘରୁ ଅନେକ ମୂଲ୍ୟବାନ ଜିନିଷ ଏକ ଅଟୋରେ ଚୋରି କରି ନେଇଯାଇଥିଲେ । ଯାହା ସିସିଟିଭି ଭିଡଓରେ ଦେଖିବାକୁ ମିଳିଛି । ଏଲ୍ଇଡି ଟିଭିଠୁ ଆରମ୍ଭ କରି ଦାମି ହେୟାର ଡ୍ରାୟର ବି ଛାଡ଼ି ନଥିଲେ ଚୋର ଗ୍ୟାଙ୍ଗ୍ । ଏମିତିକି ପ୍ରବୋଧଙ୍କ ମେଡାଲ ମଧ୍ୟ ନେଇଯାଇଥିଲେ । ଥାହା ପୁଣି ଅଟୋରେ । ଘରର ପାଚେରି ଡେଇଁ ତାଲା ଭାଙ୍ଗିବାପରେ କଳାକନା ବୁଲାଇଥିଲେ ଏହି ଚୋର ଗ୍ୟାଙ୍ଗ୍ । ସିସିଟିଭି ଆଧାରରେ ଦୁଇ ଅଭିଯୁକ୍ତଙ୍କୁ ଗିରଫ ପରେ ଚୋରି ହୋଇଥିବା ସାମଗ୍ରୀକୁ ଜବତ କରିଛି ପୋଲିସ ।
ଗତ ୨୨ ତାରିଖରେ ପୂର୍ବତନ ହକି କ୍ୟାପଟେନ ପ୍ରବୋଧ ତିର୍କିଙ୍କ ଘରୁ ଅନେକ ମୂଲ୍ୟବାନ ଜିନିଷ ପଦାର୍ଥ ଓ ଖେଳ କ୍ୟାରିଅର ଭିତରେ ଜିତିଥିବା ସମସ୍ତ ମେଡାଲକୁ ଏହି ଦୁଇ ଯୁବକ ଚୋରି କରିନେଇଥିଲେ । ଦାମି ଜିନିଷର ସହ ଘରର ଆସବାବପତ୍ର ଲୁଟି ନେଇଥିଲେ । ଭୁବନେଶ୍ବରର ହାଇସିକ୍ୟୁରିଟି ଜୋନ୍ ତଥା କ୍ୟାପିଟାଲ ଥାନା ଅଞ୍ଚଳର ଭୁବନେଶ୍ବର କ୍ଲବ୍ ପଛପଟ କ୍ବାଟର ନମ୍ବର VR 86 ଅଞ୍ଚଳରେ ଏପରି ଚୋରି ଘଟଣା ସାମ୍ନାକୁ ଆସିଥିଲା । ଘରର ତାଲା ତାଡି ଘରୁ କଳାକନା ବୁଲାଇଥିଲେ ପାଞ୍ଚ ଅଭିଯୁକ୍ତ । ସେ ଓ ତାଙ୍କ ପତ୍ନୀ ଘରେ ଅନୁପସ୍ଥିତ ଥିବା ବେଳେ କଳାକନା ବୁଲାଇଥିଲେ ଚୋର ।
ତେବେ ରାଜଧାନୀର ହାଇପ୍ରୋଫାଇଲ ଜୋନ କୁହାଯାଉଥିବା ଭୁବନେଶ୍ୱର କ୍ଲବ୍ ଆଖପାଖ ଅଞ୍ଚଳ ଯେଉଁଠି ଏକ ୫ଟି ସଚିବଙ୍କ କ୍ବାଟର ସାମ୍ନାରେ ପୋଲିସ କଡ଼ା ପହରା ରହିଥାଏ । ଏଭଳି ହାଇପ୍ରୋଫାଇଲ ଜୋନରେ ପଶି ଚୋର ଅଟୋରେ ବୁଲିବୁଲି ଚୋରି କରୁଥିଲେ ।
ଇଟିଭି ଭାରତ, ଭୁବନେଶ୍ବର
