ଖୋର୍ଦ୍ଧା: ଜିଲ୍ଲା ବୋଲଗଡ଼ ଥାନା ଅନ୍ତର୍ଗତ ଭିମପଡା ଛକ ନିକଟସ୍ଥ ୫୭ନଂ ଜାତୀୟ ରାଜପଥରେ ଏକ ଗୋରୁ ବୋଝେଇ ଟ୍ରକ ଜବତ କରାଯାଇଛି । ବେଆଇନ ଗୋଚାଲାଣ ସୂଚନା ପାଇ ବୋଲଗଡ଼ ପୋଲିସ ଏହି ଟ୍ରକକୁ ଜବତ କରି ୧୯ଟି ଗାଈ ଉଦ୍ଧାର କରିଛି । ଏହି କଣ୍ଟେନରଟି ନୟାଗଡରୁ ଯଦୁପୁର ଯାଉଥିଲା ବୋଲି କହିଛି ବୋଲଗଡ଼ ପୋଲିସ । ପୋଲିସ କଣ୍ଟେନରକୁ ଜବତ କରିବା ସହିତ ଚାରିଜଣଙ୍କୁ ଗିରଫ ମଧ୍ୟ କରିଛି ।
ଗିରଫ ବ୍ୟକ୍ତି ହେଉଛନ୍ତି ହଜିତ ଖାଁ ,ଦିବାକର ମହାନ୍ତି,ଏସ କେ ସୋହେଲ ଓ ଅଜିମିତ ଅଲ୍ଲୀ ଖାଁ । ସମସ୍ତଙ୍କ ଘର ମାଣିକଗୋଡା ଅଂଚଳ ବୋଲି ଜଣାପଡିଛି । ତେବେ ଲକଡାଉନ ସମୟର ସୁଯୋଗ ନେଇ ଏଭଳି ଗୋରୁ ବ୍ୟବସାୟୀ ମାନେ ଖୋର୍ଦ୍ଧା ଅଞ୍ଚଳରେ ସକ୍ରିୟ ହୋଇଥିବା ଦେଖାଦେଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ
