ଖୋର୍ଦ୍ଧା: ଜିଲ୍ଲାରୁ ଜବତ ହେଲା ଧଳାଜହର ଓ ନଗଦ ଟଙ୍କା । ସୂଚନା ଅନୁଯାୟୀ ଜଟଣୀ ପୋଲିସ ପୋଡପୋଡା ଗ୍ରାମରେ ଅଚାନକ ଚଢାଉ କରି ବ୍ରାଉନସୁଗାର ସହ ନଗଦ ଟଙ୍କା ଜବତ କରିଛି ।
ଭିଡ଼ିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଏହି ସମୟରେ ବ୍ରାଉନସୁଗାର ବେପାରରେ ଲିପ୍ତ ଥିବା ଦୁଇ ଜଣଙ୍କୁ ଗିରଫ କରିଛି ପୋଲିସ । ଚଢ଼ାଉ କରି13 ଗ୍ରାମ ବ୍ରାଉନସୁଗାର ଏବଂ ନଗଦ 3500ଟଙ୍କା, ଗୋଟିଏ ବାଇକ ଓ 2ଟି ମୋବାଇଲ ଫୋନ ମଧ୍ୟ ଜବତ କରିଛି ସ୍ଥାନୀୟ ପୋଲିସ । ଗିରଫ ଯୁବକ ଦୁଇଜଣ ହେଲେ ଖୋର୍ଦ୍ଧା ଜଟଣୀ ଥାନା ଅନ୍ତର୍ଗତ ବାଛେରା ଗ୍ରାମର ସୁଶା ସୁନ୍ଦରାୟ ଓ ଉମାକାନ୍ତ ଭୂୟାଁ । ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ସୂଚନା ମିଳିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
