ଖୋର୍ଦ୍ଧା: ଜିଲ୍ଲା ନବୀନବାଗ ଅଞ୍ଚଳରୁ 10 ଗ୍ରାମ ବ୍ରାଉନସୁଗାର ଜବତ ହୋଇଛି । ଆଜି ଖୋର୍ଦ୍ଧା ଅବକାରୀ ବିଭାଗର ଏକ ଟିମ୍ ଚଢାଉ କରି ବ୍ରାଉନସୁଗାର ଜବତ ସହ ଏଥିରେ ସଂପୃକ୍ତ ଜଣେ ବ୍ୟକ୍ତିକୁ ମଧ୍ୟ ଗିରଫ କରିଥିବା ଜଣାପଡିଛି । ଗିରଫ ବେପାରୀ ଜଣକ ସ୍ଥାନୀୟ ଅଞ୍ଚଳର ବିକାଶ ଘଟୁଆଳି ବୋଲି ଜଣାପଡିଛି ।
ଦିନକୁ ଦିନ ନିଶା ବେପାରୀଙ୍କ ଦୌରାତ୍ମ୍ୟ ବଢି ବଢି ଚାଲିଥିବାବେଳେ ସେଥିରେ କିଛିଟା ପରିବର୍ତ୍ତନ ଆସୁଥିବା ପରିଲକ୍ଷିତ ହେଉଛି । ପୋଲିସ ଓ ଅବକାରୀ ବିଭାଗ ଚଢ଼ାଉ କରି ଅଭିଯୁକ୍ତଙ୍କୁ ଗିରଫ କରୁଥିବାବେଳେ ଅନେକ ଭୟରେ ଏହି ବେପାର ଠାରୁ ଦୂରେଇ ଗଲେଣି ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ତେବେ ଜବତ ବ୍ରାଉନସୁଗାରର ଆନୁମାନିକ ମୂଲ୍ୟ ଏକ ଲକ୍ଷରୁ ଊର୍ଦ୍ଧ୍ବ ଟଙ୍କା ହେବ ବୋଲି ସୂଚନା ମିଳିଛି । ବିକାଶ ଘଟୁଆଳି ଦୀର୍ଘଦିନ ଧରି ଏହି ବ୍ୟବସାୟ କରୁଥିବା ଅବକାରୀ ଅଧିକାରୀ କହିଥିବାବେଳେ ପଚରାଉଚରା ଜାରି ରହିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
