ଖୋର୍ଦ୍ଧା: ରାଜ୍ୟରେ ବଢିଚାଲିଛି ଅପରାଧ । ପୋଲିସକୁ ଚ୍ୟାଲେଞ୍ଜ ଦେଇ ଅପରାଧୀ ମାନେ ବି ଘଟାଇଚାଲିଛନ୍ତି ଅପରାଧ । ତେବେ ଖୋର୍ଦ୍ଧାରେ ଅପରାଧକୁ ରୋକିବାକୁ ପୋଲିସ ସବୁ ପ୍ରକାର ଉଦ୍ୟମ ଜାରି ରଖିଛି ।
ଫଟୋ ସୌଜନ୍ୟ- ପ୍ରତିନିଧି, ଖୋର୍ଦ୍ଧା
ବ୍ରାଉନସୁଗାର ବ୍ୟବସାୟକୁ ଖୋର୍ଦ୍ଧା ଅଞ୍ଚଳରୁ ସମ୍ପୂର୍ଣ୍ଣ ବନ୍ଦ କରିବା ପାଇଁ ଖୋର୍ଦ୍ଧା ପୋଲିସ ଚଳାଇଛି ଅପରେସନ କ୍ଲିନ । ଏହି ଅପରେସନ ମାଧ୍ୟମରେ ଆଜି ଖୋର୍ଦ୍ଧା ଆଦର୍ଶ ଥାନା ପୋଲିସ ବିଶେଷ ସୂତ୍ରରୁ ଖବରପାଇ ଜୟମଙ୍ଗଳ ଗ୍ରାମର ନୂଆସାହିରେ ଚଢ଼ାଉ କରିଥିଲା । ଏହି ରେଡ ସମୟରେ ନିରୋଜ କୁମାର ଜେନା ଓରଫ ବଣ୍ଟିକୁ ଗିରଫ କରିବା ସହ ତାଠାରୁ ୧୧.୮୦୦ ଗ୍ରାମର ବ୍ରାଉନସୁଗାର ଓ ୪୩୦୦ ନଗଦ ଟଙ୍କା ଜବତ କରିଛି ପୋଲିସ ।
ସେ ଦୀର୍ଘଦିନ ଧରି ଏହି ବ୍ୟବସାୟ ଚଳାଉଥିବା ପୋଲିସ କହିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
