ଖୋର୍ଦ୍ଧା: ଡାଳତୋଳା ବଜାର ନିକଟରେ ବୋମାମାଡ । ପୂର୍ବ ଶତ୍ରୁତାକୁ କେନ୍ଦ୍ର କରି ବୋମାମାଡ ହୋଇଥିବା ସୂଚନା ରହିଛି । ଏଥିରେ କୌଣସି କ୍ଷୟକ୍ଷତି ହୋଇ ନଥିବା ସୂଚନା ରହିଥିବାବେଳେ ଗ୍ରାମବାସୀ ଜଣକୁ ଅଟକ ରଖିଛନ୍ତି ।
ପୂର୍ବ ଶତ୍ରୁତାକୁ କେନ୍ଦ୍ର କରି ଖୋର୍ଦ୍ଧାରେ ଫୁଟିଲା ବୋମା
ଗତ ଗୁରୁବାର ରାତିରେ ଡାଳତୋଳାରେ ଆୟୋଜିତ ହେଉଥିବା ଗଜଲକ୍ଷ୍ମୀ ପୂଜା ଦେଖିବାକୁ ଆସିଥିଲେ କାଇପଦର ଅଞ୍ଚଳର 3ଜଣ ଯୁବକ । ହେଲେ ସେଠାରେ ଗାଡି ପାର୍କିଂ ନେଇ ପୂଜା କମିଟି ମେମ୍ବରଙ୍କ ସହ ତାଙ୍କର କଥା କଟାକଟି ହୋଇଥିଲା । ଯାହାକୁ କେନ୍ଦ୍ର କରି ଯୁବକ ମାନେ ଶୁକ୍ରବାର ବଜାର ନିକଟରେ ବୋମାମାଡ କରିଥିଲେ । ଗ୍ରାମବାସୀ ଜଣକୁ ଅଟକ ରଖିଥିବା ବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
