ଖୋର୍ଦ୍ଧା: ନବୀନବାଗ ଅଞ୍ଚଳର ବିଜେପି କାର୍ଯ୍ୟାଳୟ ନିକଟରେ ଗୁଳିକାଣ୍ଡ । ଗୁଳିମାଡରେ ବିଜେପି ମଣ୍ଡଳ ସଭାପତି ମଙ୍ଗୁଳି ଜେନା ମୃତ । ଦୁଇ ଦୁର୍ବୃତ୍ତ ବାଇକରେ ଆସି ଗୁଳିମାଡ କରିଥିବା ସୂଚନା ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଗୁଳିକାଣ୍ଡ ପରେ ଅଞ୍ଚଳରେ ଭୟର ବତାବରଣ ସୃଷ୍ଟି ହୋଇଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରିରଖିଛି । ତେବେ ଏହି ହତ୍ୟାକାଣ୍ଡ ରାଜନୈତିକ କାରଣରୁ ହୋଇଥିବା ଚର୍ଚ୍ଚା ଚାଲିଥିବାବେଳେ ହତ୍ୟାକାଣ୍ଡ ପଛର କାହାଣୀକୁ ଅନୁସନ୍ଧାନ କରୁଛି ପୋଲିସ । ତେବେ ଶେଷ ଖବର ସୁଦ୍ଧା ଆଜି ଦିନ 2ଟା ପର୍ଯ୍ୟନ୍ତ ଖୋର୍ଦ୍ଧା ଜିଲ୍ଲା ବନ୍ଦ ରହିବ ବୋଲି ବିଜେପି ପକ୍ଷରୁ ଜଣାପଡ଼ିଛି ।
ସେପଟେ ସହରରେ ଶାନ୍ତିଶୃଙ୍ଖଳା ରକ୍ଷା କରିବା ପାଇଁ ପୁରା ସହରରେ ବ୍ୟାପକ ପୋଲିସ ଫୋର୍ସ ମୁତୟନ କରାଯାଇଛି । ସହରରେ ଚାପା ଉତ୍ତେଜନା ଦେଖାଦେଇଛି । ଦୋଷୀଙ୍କୁ ଗିରଫ ଦାବିରେ ବିଜେପି କର୍ମୀମାନେ ଆଦର୍ଶ ଥାନା ଘେରାଉ କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
