ଖୋର୍ଦ୍ଧା: ବିଜେପି ମଣ୍ଡଳ ସଭାପତି ତଥା ବଡ଼ପୋଖରିଆର ପୂର୍ବତନ ସରପଞ୍ଚ ମଙ୍ଗୁଳି ଜେନାଙ୍କ ମୃତ୍ୟୁ ଘଟଣାରେ ସିସିଟିଭି ଫୁଟେଜ ଜାରି । ଗୁଳିମାଡ ସମୟରେ 3ଜଣ ଅଜଣା ବ୍ୟକ୍ତିଙ୍କୁ ସିସିଟିଭିରେ ଦେଖାଯାଇଥିବା ପୋଲିସ କହିଛି । ଗତ 14 ତାରିଖରେ କିଛି ଦୁର୍ବୃତ୍ତ ଖୋର୍ଦ୍ଧା ଆଦର୍ଶ ଥାନା ଅନ୍ତର୍ଗତ ନବୀନବଗସ୍ଥିତ ବିଜେପି କାର୍ଯ୍ୟାଳୟ ନିକଟରେ ମଙ୍ଗୁଳି ଜେନାଙ୍କ ଉପରେ ଗୁଳିମାଡ଼ କରିଥିଲେ ।
ସିସିଟିଭି ଫୁଟେଜ
ଯାହାକୁ ନେଇ ରାଜନୈତିକ ମହଲରେ ବିଜେଡିର ହାତ ଥିବା ନେଇ ବିଜେପି ଅଭିଯୋଗ କରୁଥିବାବେଳେ ପୋଲିସ 2ଜଣଙ୍କୁ ଅଟକ ରଖିଥିଲା । ପ୍ରାୟ ରାତି 11ଟାରେ ଏହି ଗୁଳିକାଣ୍ଡ ଘଟିଥିଲା ।
ଏହି ଘଟଣାକୁ ନେଇ କ୍ରାଇମବ୍ରାଞ୍ଚ ତଦନ୍ତ କରୁଥିବାବେଳେ ଜିଲ୍ଲା ପୋଲିସ ଏନେଇ କ୍ରାଇମବ୍ରାଞ୍ଚକୁ ସହଯୋଗ କରୁଛି । ଆଜି ପୋଲିସ ପକ୍ଷରୁ ଗୁଳିମାଡ଼ ଘଟିଥିବା ସମୟରେ 3ଜଣ ଅଜଣା ବ୍ୟକ୍ତିଙ୍କ ସେହି ସ୍ଥାନରେ ଚଳପ୍ରଚଳର ସିସିଟିଭି ଫୁଟେଜ ଜାରି କରିଛି । ଏହାକୁ ଆଧାର କରି ଅଧିକ ଖୋଳତାଡ ଆରମ୍ଭ ହୋଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
