ଖୋର୍ଦ୍ଧା: ଆଉ ଦିନ କେଇଟା ପରେ ତୃତୀୟ ପର୍ଯ୍ୟାୟ ନିର୍ବାଚନ । ନିର୍ବାଚନ ମଣ୍ଡଳୀର ଜନମତ ନିଜ ସପକ୍ଷରେ ନେବାକୁ ପ୍ରସ୍ତୁତ ପ୍ରାର୍ଥୀ । ଆରମ୍ଭ କରିଦେଲେଣି ଜୋରଦାର ପ୍ରଚାର। ଏଥିପାଇଁ ଶୁକ୍ରବାର ବେଗୁନିଆ ବୋଲଗଡ଼ ନିର୍ବାଚନ ମଣ୍ଡଳୀ ବିଜୁ ଜନତା ଦଳ ପ୍ରାର୍ଥୀ ରାଜେନ୍ଦ୍ର କୁମାର ସାହୁ ଏକ ବିରାଟ ମଟର ସାଇକେଲ ଶୋଭାଯାତ୍ରାରେ ପ୍ରଚାର କରିଛନ୍ତି ।
ଭିଡିଓ ସୌଜନ୍ୟ-ପ୍ରତିନିଧି,ଖୋର୍ଦ୍ଧା
ପ୍ରଥମେ ବେଗୁନିଆ ବ୍ଲକର ସାରୁଅ ପଞ୍ଚାୟତ କାର୍ଯ୍ୟାଳୟ ଠାରୁ ବାହାରି ସାରୁଅ, ବାଘମାରି, ସିମୋର, ବଡ଼ବେରଣା, କଣ୍ଟାବାଡ଼, ପଙ୍ଗରସିଂହ ଏବଂ ପୋଡାଡିହ ପଞ୍ଚାୟତର ବିଭିନ୍ନ ଗ୍ରାମରେ ଭୋଟଭିକ୍ଷା କରିଛନ୍ତି ।
ଏହି ପ୍ରଚାର କାର୍ଯ୍ୟକ୍ରମରେ ବେଗୁନିଆ ବ୍ଲକ ଅଧକ୍ଷା ଜାନକୀ ସ୍ୱାଇଁ, ଉପାଧକ୍ଷା ତନୁଜା ପାଟ୍ଟଶାଣୀ, ବ୍ଲକ ବିଜେଡି ସଭାପତି ଅନାଦି ସାହୁ ଓ ବିଭିନ୍ନ ପଞ୍ଚାୟତର ସରପଞ୍ଚ ଓ ସମିତିସଭ୍ୟଙ୍କ ସହ ଶତାଧିକ ଦଳୀୟ କର୍ମୀ ଯୋଗଦେଇଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡାଙ୍କ ରିପୋର୍ଟ ଈଟିଭି ଭାରତ
