ଖୋର୍ଦ୍ଧା: ଶାନ୍ତି, ପ୍ରେମ, କଳା, ସାହିତ୍ୟ, ସଂସ୍କୃତି ଓ ଭ୍ରାତୃତ୍ବଭାବର ମହକ ବାଣ୍ଟି ଗୁରୁବାର ଦିନ ଉଦଘାଟିତ ହୋଇଯାଇଛି ୮୪ ତମ ବୀଣାପାଣି ମହୋତ୍ସବ 'ସମ୍ଭବ ୨୦୨୦' । ବେଗୁନିଆ ବ୍ଲକ ବେଗୁନିଆ ସ୍ଥିତ ବୀଣାପାଣି ମହୋତ୍ସବ 'ସମ୍ଭବ'ର ଉଦଘାଟନ ଦିବସରେ ସାଂସ୍କୃତିକ ସନ୍ଧ୍ୟାକୁ ଦର୍ଶକମାନେ ବେଶ୍ ଉପଭୋଗ କରିଥିଲେ ।
ବୀଣାପାଣି ମହୋତ୍ସବରେ ଦର୍ଶକଙ୍କୁ ଆକୃଷ୍ଟ କଲା ଓଡିଶୀ ନୃତ୍ୟ
କଳାକାରଙ୍କ ଓଡିଶୀ ନୃତ୍ୟ ପରିବେଷଣ ଅନେକ ସମୟ ପର୍ଯ୍ୟନ୍ତ ଦର୍ଶକଙ୍କୁ ବାନ୍ଧି ରଖିଥିଲା । ଏହି ଅବସରରେ ଏକ ସାହିତ୍ୟ ସଭାରେ ବୀଣାପାଣି କ୍ଳବର ମୁଖପାତ୍ର ବାଣୀସ୍ରତାର ଶୁଭ ଉନ୍ମୋଚନ ହୋଇଥିଲା ।
ମହୋତ୍ସବ କମିଟି ସଭାପତି ପ୍ରଭାତ କୁମାର ପ୍ରହରାଜଙ୍କ ପୌରୋହିତ୍ୟରେ ଅନୁଷ୍ଠିତ ହୋଇଥିଲା ଏକ ସାଧାରଣ ସଭା । ଆଉ ଏହି ସଭାରେ ବରିଷ୍ଠ ବ୍ୟକ୍ତି ବିଶେଷ ଯୋଗ ଦେଇଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
