ଖୋର୍ଦ୍ଧା: ବେଗୁନିଆ ସନ୍ତୋଷ ପାତ୍ର ହତ୍ୟା ଘଟଣାର ପର୍ଦ୍ଦାଫାଶ । ମୁଖ୍ୟ ଅଭିଯୁକ୍ତ ବାଳକୃଷ୍ଣ ସ୍ବାଇଁ ଓ ତାର ସହଯୋଗୀ ବିକାଶ ନାୟକକୁ ଗିରଫ କରିଛି ବେଗୁନିଆ ପୋଲିସ । ପୂର୍ବ ଶତ୍ରୃତାକୁ କେନ୍ଦ୍ର କରି ସନ୍ତୋଷଙ୍କୁ ବୋମାମାଡ କରି ହତ୍ୟା କରାଯାଇଥିବା ପୋଲିସ ସୂଚନା ଦେଇଛି ।
ସୂଚନା ଅନୁଯାୟୀ, ଗତ ମେ’ 23 ତାରିଖ ଦିନ ସନ୍ତୋଷ ନିଜର ଅଟୋ ଯୋଗେ ଫେରୁଥିବା ବେଳେ ଡିଙ୍ଗର ପରିଛଳ ରାସ୍ତାରେ ତାଙ୍କ ଉପରକୁ 3ଟି ବୋମାମାଡ ହୋଇଥିଲା । ଫଳରେ ତାଙ୍କର ମୃତ୍ୟୁ ଘଟିଥିଲା । ଦୀର୍ଘ ମାସେ ପରେ ଘଟଣାର ପର୍ଦ୍ଦାଫାଶ କରି ଅଭିଯୁକ୍ତଙ୍କୁ ଗିରଫ କରିବାରେ ସଫଳ ହୋଇଛି ପୋଲିସ ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ଉଭୟଙ୍କ ନିକଟରୁ ଗୋଟିଏ ବାଇକ ସହ 2ଟି ମୋବାଇଲ ଫୋନ ଜବତ କରିଛି ପୋଲିସ । ଏନେଇ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ବେଗୁନିଆ ଆଇଆଇସି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
