ଖୋର୍ଦ୍ଧା: କୋଭିଡ ନିୟମ ନ ମାନି ତଣ୍ଡ ଗଣିଲା ବ୍ୟାଙ୍କ । କୋରୋନା ଆକ୍ରାନ୍ତଙ୍କ ସର୍ବାଧିକ ସଂଖ୍ୟାରେ ଖୋର୍ଦ୍ଧା ଜିଲ୍ଲା ଆଗରେ ରହିଛି । ଜିଲ୍ଲାର ବେଗୁନିଆ ଅଞ୍ଚଳରେ ସଂକ୍ରମଣଙ୍କ ସଂଖ୍ୟା ଅଧିକ ରହିଛି । ତେଣି କୋରୋନା ନିୟମକୁ ମାନିବାକୁ ସରକାର ନିର୍ଦ୍ଦେଶ ଜାରି କରିଛନ୍ତି । ମାତ୍ର ନିୟମ ଉଲ୍ଲଂଘନ କରି ବେଗୁନିଆ ବଜାରରେ ଥିବା ୟୁକୋ ବ୍ୟାଙ୍କ ତଣ୍ଡ ଗଣିଛି ।
ଜିଲ୍ଲାରେ ଦୈନିକ ସଂକ୍ରମଣଙ୍କ ସଂଖ୍ୟା ହଜାର ପାର କରୁଛି । ଏହା ପରେ ବି ସଚେତନ ହେଉନାହାନ୍ତି ଲୋକ । ବେଗୁନିଆ ବଜାରରେ ଥିବା ୟୁକୋ ବ୍ୟାଙ୍କରେ ଲୋକଙ୍କ ନାହିଁ ନଥିବା ଗହଳି ହୋଇଥିଲା । ଯାହା ତହସିଲଦାରଙ୍କ ନଜରକୁ ଆସିବା ପରେ ତହସିଲଦାର ଘଟଣା ସ୍ଥଳରେ ପହଞ୍ଚି ବ୍ୟାଙ୍କ ମ୍ୟାନେଜରଙ୍କୁ ତାଗିଦ କରିଥିଲେ ।
ଏହା ସହିତ କୋଭିଡ ଗାଇଡଲାଇନ ଭାଙ୍ଗି ଥିବାରୁ ବ୍ୟାଙ୍କଠାରୁ ୨ହଜାର ଟଙ୍କାର ଫାଇନ କାଟିବା ସହିତ ବ୍ୟାଙ୍କ ମ୍ୟାନେଜରଙ୍କ ଠାରୁ ଆଗକୁ ଯେମିତି କୋଭିଡ କଟକଣାକୁ କଡାକଡି ପାଳନ କରିବେ ସେନେଇ ଏକ ଲିଖିତ ଚୁକ୍ତିନାମା କରିଥିବା ଜଣାପଡିଛି । ଯଦି ଆଗକୁ ଏଭଳି ପରିସ୍ଥିତି ଦେଖାଯାଏ ତେବେ ବ୍ୟାଙ୍କକୁ ସିଲ କରାଯିବ ବୋଲି କହିଛନ୍ତି ବେଗୁନିଆ ତହସିଲଦାର ପୃଥୀରାଜ ମଣ୍ଡଳ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
