ଖୋର୍ଦ୍ଧା: ବିବାହ ହେଉ ଅବା ଜୀବନର ଅନ୍ତିମଯାତ୍ରା , ସବୁଠି ଲୋଡ଼ା ପଡେ ବାଉଁଶ ତିଆରି ସାମଗ୍ରୀ କୁଲା ଏବଂ ବାଉଁସିଆ । ବାଉଁଶରୁ ପ୍ରସ୍ତୁତ ହେଉଥିବା ଗାଣ୍ଡୁଆ,ଡାଲିଆ,ଚାଙ୍ଗୁଡ଼ି ଆଦି ସାମଗ୍ରୀ ଆଉ ବିଶେଷ ଭାବେ ଦେଖିବାକୁ ମିଳୁନଥିବା ବେଳେ ବିଭିନ୍ନ ମାଙ୍ଗଳିକ କାର୍ଯ୍ୟ ଏବଂ ପୂଜାରେ ଏହାର ଆବଶ୍ୟକତା ପଡିଥାଏ । ଏହିସବୁ ସାମଗ୍ରୀ ପ୍ଲାଷ୍ଟିକରେ ନିର୍ମାଣ ହୋଇ ବଜାରରେ ବିକ୍ରି ହେଉଥିଲେ ମଧ୍ୟ ବାଉଁଶ ପ୍ରସ୍ତୁତ ଏହି ସାମଗ୍ରୀର ଏବେବି ରହିଛି ଚାହିଦା ।
ପ୍ଲାଷ୍ଟିକ ଜମାନାରେ ବଢୁଛି ବାଉଁଶ ସାମଗ୍ରୀର ଚାହିଦା
ଚଳିତ ବର୍ଷ ଭଲ ବ୍ୟବସାୟ ଆଶାକରି ଖୋର୍ଦ୍ଧା ମକର ଯାତ୍ରାକୁ ଆସିଥିବା ମହିପୁର ଅଂଚଳର ବ୍ୟବସାୟୀ ନିରାଶ ହୋଇଛନ୍ତି । କାରଣ ଆଶା ମୁତାବକ ସେମାନଙ୍କ ବ୍ୟବସାୟ ହୋଇ ପାରି ନାହିଁ ।
ଅନ୍ୟପଟେ ଆଗକୁ ବିବାହ ଋତୁ ଆସୁଥିବାରୁ ଏହି ସାମଗ୍ରୀକୁ କିଣିବା ପାଇଁ ଗ୍ରାହକ ମାନେ ଆଗ୍ରହ ଦେଖାଇଛନ୍ତି । ସେହିପରି ବାଉଁଶର ଘୋର ଅଭାବ ଏହି କୁଟୀର ଶିଳ୍ପ ଉପରେ ପ୍ରଭାବ ପକାଉଥିବା ବ୍ୟବସାୟୀ କହିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା,ଈଟିଭି ଭାରତ
