ଭୁବନେଶ୍ବର: ଇଡି (Enforcement Directorate) ପାଇଁ ଅଡୁଆରେ ପାୱାର କରିଡର । ଖୋଲିବ ଅର୍ଚ୍ଚନା ନାଗର ଆର୍ଥିକ କାରବାର। କୋଟିପତି ବ୍ଲାକମେଲର ଅର୍ଚ୍ଚନା ନାଗର ଆର୍ଥିକ କାରବାର ଉପରେ ଇଡିର ନଜର । କାରଣ ୨୦୧୬ ରୁ ୨୦୨୨ ସୁଧା ୫୦କୋଟିର ମାଲିକାଣି କେମିତି ହେଲା ଅର୍ଚ୍ଚନା । ବ୍ଲାକମେଲରୁ ଆର୍ଥିକ ସାମ୍ରାଜ୍ୟ ଖୋଲିଥିବା ଏହି କୋଟିପତି ବ୍ଲାକମେଲର ଅର୍ଥିକ କାରବାରର ରାଜ ଖୋଲିବ ଇଡି । ମନି ଲଣ୍ଡରିଂ ଆକ୍ଟରେ ତଦନ୍ତ କରିବ ଇଡି ।
ଏନେଇ ଇଡି ପକ୍ଷରୁ ଆରମ୍ଭ ହୋଇଛି ତନାଘନା । ଏହି ମାମଲାକୁ ନେଇ ଓଡିଶା ରାଜନୀତି ସମେତ ପାୱାର କରିଡରରେ ପଶିଲାଣି ଛନକା । କାରଣ ଆର୍ଥିକ କାରବାର ରାଜ ଖୋଲିଲେ ଇଡି ରାଡାରରେ ଆସିବେ କିଛି ହାଇପ୍ରୋଫାଇଲ ନେତା, ଅଫିସର ଓ ଶିଳ୍ପପତି । କାରଣ ଅର୍ଚ୍ଚନା ନାଗ ଫାସରେ ଅନେକ ହାଇପ୍ରୋଫାଇଲଙ୍କ ସମ୍ପୃକ୍ତି ରହିଥିଲା । ଏବେ କିନ୍ତୁ ଏସବୁର ରାଜ ଖୋଲିବାକୁ ଇଡି ପ୍ରସ୍ତୁତ ଆରମ୍ଭ କରିଛି ତଦନ୍ତ । ଇଡି ଅଧିକାରୀ ଭୁବନେଶ୍ୱର ଡିସିପି ଅଫିସ ଆସି ଆରମ୍ଭ କରିଛନ୍ତି ତନାଘନା ।
ଇଡି ଅଧିକାରୀ ଭୁବନେଶ୍ୱର ଡିସିପିଙ୍କୁ କିଛି ତଥ୍ୟ ମାଗିଥିବା ବେଳେ ଏନେଇ ସମୟ ମାଗିଛି କମିଶନରେଟ ପୋଲିସ । ଏବେ କିନ୍ତୁ କମିଶନରେଟ ପୋଲିସ ପାଇ ସୃଷ୍ଟି ହୋଇଛି ଅଡୁଆ । କାରଣ ଯେଉଁ କେସକୁ ପୋଲିସ ଅଣଦେଖା କରୁଥିଲା ଏବେ ସେହି ଘଟଣାକୁ ଇଡି ତନାଘନା ପାଇ ଆଗଭର ହୋଇଛି । ଏହାରି ଭିତରେ ଯେଉଁମାନେ ଅର୍ଚ୍ଚନାର ଆକାଉଣ୍ଟ ବା ଟଙ୍କା କାରବାର କରିଥିଲେ ସେସବୁର ପୋଲ ଖୋଲିଲେ ପାଓ୍ବାର କରିଡରର ଅଧାରୁ ଅଧିକଙ୍କ ମୁଖା ଖୋଲିବ । ଏପରିକି ଇଡି ଆରବିଆଇ ଠାରୁ ମଧ୍ୟ ଅର୍ଚ୍ଚନାଙ୍କ ଆକାଉଣ୍ଟ ସମ୍ପର୍କିତ ତଥ୍ୟ ସଂଗ୍ରହ କରଛି । ଖୁବଶୀଘ୍ର ଅର୍ଚ୍ଚନା ମାମଲାର ଅଫିସିଆଲ ଯାଞ୍ଚ ପ୍ରକ୍ରିୟା ଆରମ୍ଭ କରିବ ଇଡି ।
ଇଟିଭି ଭାରତ, ଭୁବନେଶ୍ବର
