ଭୁବନେଶ୍ବର: ଆଜି ପୁଣି କୋର୍ଟରେ ହାଜର ହୋଇଛନ୍ତି ଅର୍ଚ୍ଚନା ନାଗ ଓ ସ୍ବାମୀ ଜଗବନ୍ଧୁ । ୭ ଦିନିଆ ରିମାଣ୍ଡ ସରିବା ପରେ ଅର୍ଚ୍ଚନାଙ୍କୁ କୋର୍ଟରେ ହାଜର କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ । ଏହି ଲେଡି ବ୍ଲାକେମଲରଙ୍କୁ ଇଡି ପୁଣି ରିମାଣ୍ଡରେ ନେବାକୁ ଆଜି କୋର୍ଟରେ ଆବେଦନ କରିଛି । ରିମାଣ୍ଡ ଅନୁମତି ମିଳିଲେ ଅର୍ଚ୍ଚନା ଦ୍ବିତୀୟ ଥର ଇଡି ରିମାଣ୍ଡରେ ଯିବେ(ED likely to take Archana on remand again) । ଅର୍ଚ୍ଚନାଙ୍କ ସ୍ବାମୀ ଜଗବନ୍ଧୁଙ୍କୁ ମଧ୍ୟ ଇଡି ରିମାଣ୍ଡରେ ନେଇପାରେ । ସେମାନେ ଝାରପଡ଼ା ଜେଲରୁ ଆସି ହାଜର ହେବାକୁ କୋର୍ଟ ନିର୍ଦ୍ଦେଶ ଦେଇଥିଲେ ।
ଇଡିର ମନି ଲଣ୍ଡ୍ରିଂ ମାମଲାର ଅଭିଯୁକ୍ତ ଅଛନ୍ତି ଜଗବନ୍ଧୁ ଚାନ୍ଦ । ସେହି ଆଧାରରେ ପ୍ରଥମେ ହାଜର ହୋଇଛନ୍ତି ଅର୍ଚ୍ଚନାଙ୍କ ସ୍ବାମୀ ଜଗବନ୍ଧୁ ଚାନ୍ଦ । ଝାରପଡା ଜେଲରୁ ଅଣାଜାଇ ପୋଲିସ ଏସକର୍ଟରେ କୋର୍ଟରେ ହାଜର କରାଯାଇଛି । ଜଗବନ୍ଧୁ କୋର୍ଟରେ ହାଜର ହେବାପରେ ତାଙ୍କୁ ମଧ୍ୟ ରିମାଣ୍ଡ ନେବାକୁ ଆବେଦନ କରିଛି ଇଡି । ମନି ଲଣ୍ଡରିଂ କେସର ପ୍ରଡକ୍ସନ ହେବା ପରେ ତାଙ୍କର ରିମାଣ୍ଡ ଉପରେ ହେବ ଶୁଣାଣି । ଅନୁମତି ମିଳିଲେ ଜଗବନ୍ଧୁ ମଧ୍ୟ ରିମାଣ୍ଡରେ ଯିବେ । ଉଭୟ ପତିପତ୍ନୀଙ୍କୁ ରିମାଣ୍ଡରେ ନେଇ ମୁହାଁମୁହିଁ ପଚରାଉଚରା କରିପାରେ ଇଡି । ଏହି ସମୟରେ ବହୁ ଗୁମର ଖୋଲିବାକୁ ଇଡି ପ୍ରୟାସ କରିବ ।
ଏହାମଧ୍ୟ ପଢନ୍ତୁ: ଅର୍ଚ୍ଚନାଙ୍କ ବିସ୍ଫୋରକ ବୟାନ: 30 ମିନିଟ୍ ସମୟ ଦିଅ ମୁଖା ଖୋଲିଦେବି
ପୂର୍ବରୁ ୭ ଦିନିଆ ରିମାଣ୍ଡରେ ଇଡି କାର୍ଯ୍ୟାଳୟରେ ଥିଲେ ଅର୍ଚ୍ଚନା । ରିମାଣ୍ଡ ପୂର୍ବରୁ ସ୍ବାସ୍ଥ୍ୟ ପରୀକ୍ଷା ପାଇଁ ଯିବାବେଳେ ସେ ବିସ୍ଫୋରକ ବୟାନ ଦେଇଥିଲେ । ୩୦ ମିନିଟ୍ ସମୟ ଦେଲେ ସେ ସମସ୍ତଙ୍କୁ ମୁଖା ଖୋଲିଦେବେ । ସେ ମୁହଁ ଖୋଲିଲେ ସାରା ରାଜ୍ୟ ପରିବର୍ତ୍ତନ ହୋଇଯିବ ବୋଲି କହିଥିଲେ ଅର୍ଚ୍ଚନା(Lady Blackmailer Archana Nag) । ତାଙ୍କର ଏପରି ବୟାନ ସାରା ରାଜ୍ୟରେ ହଇଚଇ ସୃଷ୍ଟି କରିଥିଲା । ରିମାଣ୍ଡ ସରିବା ପରେ ଇଡି ତାଙ୍କୁ ପୁଣିଥରେ ରିମାଣ୍ଡରେ ନେବାକୁ ଆଜି କୋର୍ଟରେ ଆବଦେନ କରିପାରେ ।
ଇଟିଭି ଭାରତ, ଭୁବନେଶ୍ବର
