ଖୋର୍ଦ୍ଧା: ଜଟଣୀ ନିର୍ବାଚନ ମଣ୍ଡଳୀରେ ବାତ୍ୟା ଜନିତ ଘରଭଙ୍ଗା ଆକଳନରେ ଅନିୟମିତତା । ତିରିମଲ, ବେଣାପଞ୍ଜରୀ, ନିଆଳ, ହଳଦିଆ ଆଦି ଅନେକ ପଞ୍ଚାୟତରେ ଭଙ୍ଗାଘର ତଦନ୍ତରେ ଅନିୟମିତତା ହୋଇଥିବା ଅଭିଯୋଗ କରିଛନ୍ତି ବିଧାୟକ ସୁରେଶ କୁମାର ରାଉତରାୟ( ସୁର ରାଉତରାୟ) ।
ଭିଡିଓ ସୌଜନ୍ୟ: ପ୍ରତିନିଧି, ଖୋର୍ଦ୍ଧା
ବାତ୍ୟା ‘ଫନି’ ଫଳରେ ଭାଙ୍ଗି ଯାଇଥିବା ଘରର ତଦନ୍ତ କରୁଥିବା ରାଜସ୍ବ ଅଧିକାରୀ ମାନେ ପ୍ରଭାବିତ ଅଞ୍ଚଳ ଗସ୍ତ ନ କରି କାର୍ଯ୍ୟାଳୟରେ ବସି ରିପୋର୍ଟ ପ୍ରସ୍ତୁତ କରିଥିବା ସେ ଆଜି (ସୋମବାର) ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି । ତାଙ୍କ ସହିତ ଶତାଧିକ ବିପନ୍ନ ମଧ୍ୟ ଆସି ନିଜ ଦାବି ଜିଲ୍ଲାପାଳଙ୍କୁ ଜଣାଇଛନ୍ତି ।
ଅଭିଯୋଗ କରିବା ସହ ଘରଭଙ୍ଗାର ପୁନଃ ତଦନ୍ତ କରିବାକୁ ବିଧାୟକ ଦାବି କରିଛନ୍ତି । ଏହା ସହ ସେ ଏହି ଘଟଣାନେଇ ଉଚ୍ଚସ୍ତରୀୟ ତଦନ୍ତ ଦାବି କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
