ଭୁବନେଶ୍ବର: କିଏ ହେବେ କଂଗ୍ରେସର ବିଧାୟକ ଦଳ ନେତା ? ଏନେଇ ଗୁରୁବାର ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ଓଡିଶା କଂଗ୍ରେସ ପ୍ରଭାରୀ ଜିତେନ୍ଦ୍ର ସିଂ ଓ ସହ ପ୍ରଭାରୀ ଟି ଏସ ସିଂଦେଓଙ୍କ ସହ ସମସ୍ତ ନବନିର୍ବାଚିତ ବିଧାୟକ ଯୋଗ ଦେଇଥିଲେ ।
ଭିଡିଓ ସୌଜନ୍ୟ : ସମ୍ବାଦଦାତା,ଭୁବନେଶ୍ବର
ବୈଠକରେ ସମସ୍ତ 9ଜଣ ବିଧାୟକ ଉପସ୍ଥିତ ଥିଲେ । ମିଳିଥିବା ସୂଚନା ମୁତାବକ ନରସିଂହ ମିଶ୍ରଙ୍କୁ ବିଧାୟକ ଦଳ ନେତା ଭାବେ ଚୟନ ହୋଇଥିବା ନେଇ ଚର୍ଚ୍ଚା ହେଉଛି । ସେ ଆବାହକ ଦାୟିତ୍ବ ତୁଲାଇବେ। ବିଧାୟକଙ୍କ ସହ ଆଲୋଚନା କରିବା ପରେ ଏହା ଏଆଇସିସିର ଅନୁମୋଦନ ଲାଭ କରିବ । ଏହାପରେ ଔପଚାରିକ ଘୋଷଣା କରାଯିବ ବୋଲି ଓଡିଶା ପ୍ରଭାରୀ ଜିତେନ୍ଦ୍ର ସିଂ କହିଛନ୍ତି।
ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ
