ଖୋର୍ଦ୍ଧା: ସ୍ତ୍ରୀକୁ ହତ୍ୟା କରିବା ଅଭିଯୋଗରେ ବୁଧବାର ଖୋର୍ଦ୍ଧା ଅତିରିକ୍ତ ଜିଲ୍ଲା ଦୌରାଜଜ ଅଭିଯୁକ୍ତକୁ ଆଜୀବନ କାରାଦଣ୍ଡ ଦେଇଛନ୍ତି । ଏଥିସହ 50 ହଜାର ଟଙ୍କାର ଜୋରିମାନା ଅର୍ଥ ଆଦାୟ ପାଇଁ ମଧ୍ୟ ନିର୍ଦ୍ଦେଶ ଦେଇଛନ୍ତି ।
ସୂଚନା ଅନୁଯାୟୀ ଖୋର୍ଦ୍ଧା ଆଦର୍ଶ ଥାନା ଅନ୍ତର୍ଗତ ନୂଆଗାଁ ଗ୍ରାମର ଦାଶରଥି ସେଠୀ କଟକ ଜିଲ୍ଲା ତାଳବସ୍ତ ଗ୍ରାମର ପିଙ୍କି ସେଠିଙ୍କୁ 18.02.2013 ମସିହାରେ ବିବାହ କରିଥିଲେ । କିନ୍ତୁ ପିଙ୍କିଙ୍କୁ ଅଧିକ ଯୌତୁକ ଦାବିକରି 19.09.2016ରେ ତାଙ୍କୁ ଦାଶରଥି ହତ୍ୟା କରିଥିବା ଖୋର୍ଦ୍ଧା ଆଦର୍ଶ ଥାନାରେ ଅଭିଯୋଗ ହୋଇଥିଲା । ତେବେ ହତ୍ୟା ଅଭିଯୋଗରେ ଗତ ବୁଧବାର ଦିନ ଖୋର୍ଦ୍ଧା ଅତିରିକ୍ତ ଜିଲ୍ଲା ଦୌରାଜଜ ଦୋଷୀକୁ ଆଜୀବନ କାରାଦଣ୍ଡ ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
