ଖୋର୍ଦ୍ଧା: ଟାଙ୍ଗୀ ଥାନା କୁହୁଡି ବଘେଇସାହିରେ ଅଘଟଣ । କୂଅରେ ପଡି ନାବାଳିକା ମୃତ । ମୃତକ ଜଣକ ପବି ଭୁଜବଳଙ୍କ ୯ ବର୍ଷର କନ୍ୟା ଶ୍ରାବଣୀ ଭୂଜବଳ । ଶ୍ରାବଣୀ ସ୍ଥାନୀୟ ବଘେଇ ପ୍ରାଥମିକ ସରକାରୀ ବିଦ୍ୟାଳୟରେ ୪ର୍ଥ ଶ୍ରେଣୀର ଛାତ୍ରୀ ।
କୂଅରେ ପଡି ନାବାଳିକା ମୃତ
ସୂଚନା ଅନୁସାରେ ମଙ୍ଗଳବାର ସକାଳେ ନାବାଳିକା ଜଣକ ନିଜ ବାଡି ପଟେ ଥିବା ଏକ କୂଅରେ ଏକ ଛୋଟ ବାଲଟି ସାହାଯ୍ୟରେ ପାଣି କାଢୁଥିବାବେଳେ ହଠାତ ଭାରସାମ୍ୟ ହରାଇ କୂଅ ମଧ୍ୟ୍ୟକୁ ଖସି ପଡିଥିଲେ । କୂଅରେ ଜଳସ୍ତର ଅଧିକ ଥିବାରୁ ନାବାଳିକା ଜଣକ ଅତ୍ୟଧିକ ପାଣି ପିଇ ଦେଇଥିଲା । ପରିବାର ଲୋକେ ନାଵାଳିକାକୁ ଗୁରୁତର ଅଵସ୍ଥାରେ କୂଅରୁ ଉଦ୍ଧାର କରି ଟାଙ୍ଗୀ ସରକାରୀ ଡାକ୍ତରଖାନାକୁ ଆଣିଥିଲେ କିନ୍ତୁ ଡାକ୍ତର ସେଠାରେ ଶ୍ରାବଣୀଙ୍କୁ ମୃତ ଘୋଷଣା କରିଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
