ଖୋର୍ଦ୍ଧା: ଜିଲ୍ଲାର ଟାଙ୍ଗୀ ବନ୍ୟପ୍ରାଣୀ ରେଞ୍ଜ ଅନ୍ତର୍ଗତ ଅଭିମାନପୁର ରିଙ୍ଗ ବନ୍ଧ ନିକଟରୁ ଜଣେ ପକ୍ଷୀ ଶିକାରୀ ଗିରଫ । ଅଭିଯୁକ୍ତ ନିକଟରୁ 20ଟି ଅଫୁଟା ଗୁଳି, 5 ଗ୍ରାମ ଗନ ପାଉଡର ଓ ଏକ ଜରି ବ୍ୟାଗ ଜବତ କରିଛି ଟାଙ୍ଗୀ ବନ୍ୟପ୍ରାଣୀ ବିଭାଗ । ଏହାସହ ଘଟଣାସ୍ଥଳରୁ 3ଟି ମୃତ ପକ୍ଷୀ ଉଦ୍ଧାର କରାଯାଇଛି । ଶିକାରୀ ଜଣକ ଉଜ୍ଜଳା ଗୋପିନାଥପୁର ଗାଁର ଗୁରୁଦେବ ସାହୁ ବୋଲି ଜଣାପଡିଛି ।
ପକ୍ଷୀ ଶିକାରୀଟି ଶିକାର କରୁଥିବାବେଳେ ବିଶେଷ ସୂତ୍ରରୁ ଖବର ପାଇ ଟାଙ୍ଗୀ ବନ୍ୟପ୍ରାଣୀ ବିଭାଗ ଘଟଣାସ୍ଥଳରେ ପହଞ୍ଚି ଶିକାରୀଟିକୁ ଗିରଫ କରିଛି । ତେବେ ଉଦ୍ଧାର 3ଟି ମୃତ ପକ୍ଷୀଙ୍କ ମଧ୍ୟରେ 2ଟି ରୁଡି ସିଲଡକ, ଗୋଟିଏ ୟୁରାସିଆନ ସ୍ପୋନ ଡକ୍ ରହିଛି ।
ଖୋର୍ଦ୍ଧାରୁ ଗୋବିନ୍ଦ୍ର ଚନ୍ଦ୍ର ପଣ୍ଡା, ଇଟିଭି ଭାରତ
