ଖୋର୍ଦ୍ଧା: ବାଣପୁର ଥାନା ପଲଟଣ ସ୍ଥିତ ପ୍ରଭୁଚରଣ ଚକଦେବଙ୍କ ରଥ ଚକ ତଳେ ଏକ ଆଠବର୍ଷର ନାବାଳକର ମୃତ୍ୟୁ ହୋଇଛି । ମୃତ ବାଳକ ଜଣକ ହେଲେ ଚିଆଙ୍ଗସାହି ଅକ୍ଷୟ ପାତ୍ରଙ୍କ ପୁଅ ସୁନିଲ ପାତ୍ର । ଆଜି ଅପରାହ୍ଣ ସମୟରେ ରଥ ଟଣା ବେଳେ ଏହି ଅଘଟଣ ଘଟିଥିଲା । ପ୍ରଶାସନର ଖାମଖିଆଲି କାର୍ଯ୍ୟ ଯୋଗୁଁ ରଥ ଚତୁପାର୍ଶ୍ବ କୌଣସି ସୁରକ୍ଷାକର୍ମୀ କାର୍ଯ୍ୟ କରୁନଥିବା ଅଭିଯୋଗ ହୋଇଛି ।
ଭିଡିଓ ସୌଜନ୍ୟ- ପ୍ରତିନିଧି, ଖୋର୍ଦ୍ଧା
ତେବେ ପିଲାଟି ଗୁଣ୍ଡିଚା ଘର ନିକଟ କାଦୁଅରେ ପଡିଯିବାବେଳେ ରଥ ଚକତଳେ ଚାପି ହୋଇଯାଇଥିବା ଅଭିଯୋଗ ହୋଇଛି । ଘଟଣାସ୍ଥଳରୁ ଗୁରୁତର ଅବସ୍ଥାରେ ସୁନିଲଙ୍କୁ ବାଣପୁର ଡାକ୍ତରଖାନାରେ ଭର୍ତ୍ତି କରାଯିବା ପରେ ଅବସ୍ଥା ସଙ୍ଗୀନ ହେବାରୁ ପରିବାର ଲୋକେ ନିକଟସ୍ଥ ବାଲୁଗାଁ ଡାକ୍ତରଖାନାରେ ଭର୍ତ୍ତି କରିଥିଲେ । ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଅନ୍ୟପଟେ ଏହାକୁ ନେଇ ବାଣପୁରରେ ଚାପା ଉତ୍ତେଜନା ଦେଖାଦେଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା , ଇଟିଭି ଭାରତ
