ଭୁବନେଶ୍ବର: ଆଜି ମହାମାୟୀଙ୍କ ମହାସପ୍ତମୀ । ଜୀବନ୍ୟାସ ପରେ ମଣ୍ଡପରେ ପୂଜା ପାଉଛନ୍ତି ମା',ଭକ୍ତଙ୍କୁ କରୁଛନ୍ତି ଆଶୀର୍ବାଦ । ମା'ଦୁର୍ଗାଙ୍କ ଆଗମନକୁ ନେଇ ଜୀଇଁ ଉଠିଛି ଗଗନ ପବନ । ଭୁବନେଶ୍ୱରରେ ଥିବା ବିଭିନ୍ନ ପୂଜା ମଣ୍ଡପରେ ଆରମ୍ଭ ହୋଇଯାଇଛି ପୂଜାର୍ଚ୍ଚନା । ଝାରପଡା ପୂଜା ମଣ୍ଡପରେ 'ଇମ୍ପେରିଆଲ ପ୍ୟାଲେସ'ରେ ଶୋଭାପାଉଛନ୍ତି ମା' ।
ଜୀବନ୍ୟାସ ପାଇଲେ ମା':
ମହାମାୟୀଙ୍କ ମହାସପ୍ତମୀରେ ମନ୍ତ୍ରଧ୍ବନୀରେ ପ୍ରକମ୍ପିତ ହେଉଛି ପୁରା ପରିବେଶ । ସପ୍ତମୀର ନୀତିକାନ୍ତି ପରେ ଚକ୍ଷୁଦାନ ନୀତି ସମାପନ ହୋଇଛି । ଏହାପରେ ମା' ଜୀବନ୍ୟାସ ପାଇଛନ୍ତି । ମହାସପ୍ତମୀର ପୂଜାକୁ ନେଇ ଚଳଚଞ୍ଚଳ ଝାରପଡା ପୂଜା ମଣ୍ଡର । ଘଣ୍ଟା ଘଣ୍ଟା ହୁଳହୁଳି ସହ ବ୍ରାହ୍ମଣଙ୍କ ମନ୍ତ୍ରଧ୍ୱନିରେ ପରିବେଶ ପ୍ରକମ୍ପିତ ହେଉଛି । ମା'ଙ୍କ ଦର୍ଶନ କରି ଆଶୀର୍ବାଦ ନେଉଛନ୍ତି ରାଜଧାନୀବାସୀ ।
ମନ ମୋହୁଛି 'ଇମ୍ପେରିଆଲ ପ୍ୟାଲେସ୍':
ଦଶମୀ ତିଥି ସନ୍ଧ୍ୟାରେ ରାବଣ ପୋଡ଼ି:
ଚଳିତ ବର୍ଷ ‘ମା ଦୁର୍ଗାଙ୍କ ରୂପା ମୁକୁଟ ସହ ପାର୍ଶ୍ଵଦେବତା ମାନେ ଭକ୍ତ ମାନଙ୍କୁ ରୂପା ଅଳଙ୍କାରରେ ଦର୍ଶନ ଦେବେ । ସେହିପରି ଦଶମୀତିଥି ସଂନ୍ଧ୍ୟା ୭ଟାରେ ସମିତି ତରଫରୁ ୪୦ ଫୁଟ ଉଚ୍ଚତାର ରାବଣ ପୋଡ଼ି ସାଙ୍ଗକୁ ବିଭିନ୍ନ ପ୍ରକାର ଆତସ ବାଜି କାର୍ଯ୍ୟକ୍ରମ ଆୟୋଜନ କରାଯାଇଛି । ଗତବର୍ଷ ଭଳି ଝାରପଡ଼ାର ଦୋଳମେଳଣ ପଡ଼ିଆରେ ରାବଣ ପୋଡ଼ି କାର୍ଯ୍ୟକ୍ରମ ଅନୁଷ୍ଠିତ ହେବା ନେଇ କହିଛନ୍ତୁ ସମ୍ପାଦକ ଧରଣୀଧର ଜେନା ।
ଇଟିଭି ଭାରତ, ଭୁବନେଶ୍ବର
