ଖୋର୍ଦ୍ଧା: ପୁଣି ଖୋର୍ଦ୍ଧାରେ ବ୍ୟବସାୟୀଙ୍କୁ ଗୁଳିମାଡ଼ । ଗୁଳିମାଡ଼ କରି ଜଣେ ବ୍ୟବସାୟୀଙ୍କ ଠାରୁ ୭୦ ହଜାର ଲୁଟ୍ ହୋଇଥିବା ଅଭିଯୋଗ ହୋଇଛି । ଏପରି ଏକ ଘଟଣା ଘଟିଛି ଖୋର୍ଦ୍ଧା ଜିଲ୍ଲା ବାଘମାରି ଥାନା ଅନ୍ତର୍ଗତ ବାଘମାରି ବଜାର ରାସ୍ତାରେ । ଗୁରୁତର ଅବସ୍ଥାରେ ବ୍ୟବସାୟୀ ମନୋରଞ୍ଜନ ସାମନ୍ତରାୟଙ୍କୁ ପ୍ରଥମେ ଖୋର୍ଦ୍ଧା ଓ ପରେ ଏମ୍ସ ସ୍ଥାନାନ୍ତର କରାଯାଇଛି ।
ବ୍ୟବସାୟୀଙ୍କୁ ଗୁଳିମାରି ଲୁଟିନେଲେ ୭୦ ହଜାର
ସୂଚନା ଅନୁସାରେ, ବ୍ୟବସାୟୀ ମନୋରଞ୍ଜନ ସାମନ୍ତରାୟ ତାଙ୍କ ଦୋକାନ ବନ୍ଦ କରି ଘରକୁ ଯାଉଥିଲେ । ଏହିସମୟରେ ତାଙ୍କୁ ପିଛା କରି ଚାରି ଜଣ ଦୁର୍ବୃତ୍ତ ବାଘମାରି ବଜାର ନିକଟରେତାଙ୍କୁ ଗୁଳିମାଡ଼ କରି ୭୦ ହଜାର ଟଙ୍କା ଲୁଟକରି ଫେରାର ହୋଇଯାଇଛନ୍ତି । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଆହତ ବ୍ୟବସାୟୀଙ୍କୁ ଖୋର୍ଦ୍ଧା ଓ ପରେ ଏମ୍ସରେ ଭର୍ତ୍ତି କରାଯାଇଛି । ତେବେ ତାଙ୍କ ଗୋଡ଼ରେ ଗୁଳି ବାଜିଥିବା ନେଇ ବାଘମାରି ଥାନା ଅଧିକାରୀ ଅର୍ଚ୍ଚନା ମଲିକ ସୂଚନା ଦେଇଛନ୍ତି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
