ଭୁବନେଶ୍ବର: ରବିବାର ରାଜଧାନୀରେ 57ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଥିବା ବେଳେ 75 ଜଣ ସୁସ୍ଥ ହୋଇଛନ୍ତି । ନୂଆ ଆକ୍ରାନ୍ତଙ୍କୁ ମିଶାଇ ମୋଟ ଆକ୍ରାନ୍ତଙ୍କ ସଂଖ୍ୟା 30 ହଜାର ପାର ହୋଇଛି ।
ନୂଆ ଆକ୍ରାନ୍ତଙ୍କ ମଧ୍ୟରୁ 11 ଜଣ ଆକ୍ରାନ୍ତ ହୋମ କ୍ବାରେଣ୍ଟାଇନରୁ ଚିହ୍ନଟ ହୋଇଥିବା ବେଳେ ସ୍ଥାନୀୟ ଅଞ୍ଚଳରୁ 46 ଜଣ ଚିହ୍ନଟ ହୋଇଛନ୍ତି । ତେବେ ହୋମ କ୍ଵରେଣ୍ଟାଇନ ଅପେକ୍ଷା ସ୍ଥାନୀୟ ସଂକ୍ରମଣ ବୃଦ୍ଧି ଘଟୁଛି । ହୋମ କ୍ଵରେଣ୍ଟାଇନରେ 11ଜଣଙ୍କ ମଧ୍ୟରୁ 2 ଜଣ ବରମୁଣ୍ଡା, 2 ଜଣ ଆଇ.ଆର.ସି ଭିଲେଜ, 2 ଜଣ ଓଲଡ଼ ଟାଉନରେ ଆକ୍ରାନ୍ତ ଚିହ୍ନଟ ହୋଇଥିବା ବେକେ ସହିଦ ନଗର, ମଞ୍ଚେଶ୍ୱର, ଡୁମଡୁମା ଆଦି ଅଞ୍ଚଳରେ ଜଣେ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଅନ୍ୟପଟେ ସ୍ଥାନୀୟ ସଂକ୍ରମଣ 46 ଚିହ୍ନଟ ହୋଇଥିବା ବେଳେ 2 ଜଣ ବରମୁଣ୍ଡା, 2 ଜଣ ପଟିଆ, 3 ଜଣ ନୟାପଲ୍ଲୀ, 5 ଜଣ ମଞ୍ଚେଶ୍ୱର, 2 ଜଣ ଶୈଳେଶ୍ରୀ ବିହାର, 2 ଜଣ ସହିଦ ନଗର, 4 ଜଣ ପୋଖରିପୁଟ, 2 ଜଣ ୟୁନିଟ 4 ଅଂଚଳରୁ ଆକ୍ରାନ୍ତ ଚିହ୍ନଟ ହୋଇଛନ୍ତି । ତେବେ ଭୁବନେଶ୍ୱରରେ ମୋଟ ଆକ୍ରାନ୍ତ 30 ହଜାର 127 ଜଣ ଚିହ୍ନଟ ହୋଇଥିବା ବେଳେ 29 ହଜାର 220 ଜଣ ସୁସ୍ଥ ହୋଇଛନ୍ତି । ସକ୍ରିୟଙ୍କ ସଂଖ୍ୟା 690 ରହିଥିବା ବେଳେ 196 ଜଣ ମୃତ୍ୟୁବରଣ କରିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
