ଖୋର୍ଦ୍ଧା: ମହିଳାଙ୍କ ଠାରୁ ମୋବାଇଲ ଫୋନ ଝାମ୍ପିନେବା ଘଟଣାରେ ପୋଲିସକୁ ସଫଳତା । ଲୁଟେରା ଗ୍ୟାଙ୍ଗର 5 ଜଣଙ୍କୁ ଗିରଫ କଲା ଜଟଣୀ ଥାନା ପୋଲିସ । ସୂଚନା ଅନୁଯାୟୀ, ଚଳିତ ମାସ 7 ତାରିଖରେ ଜଟଣୀ ଅଞ୍ଚଳର ସୁବାସିନୀ ପାତ୍ର ନିକଟସ୍ଥ ମହୁଲ ଗୁଡ଼ିଆ ଛକ ରାସ୍ତାରେ ଯାଉଥିଲେ । ଏହି ସମୟରେ 2 ଜଣ ଦୁର୍ବୃତ୍ତ ମୋଟର ସାଇକେଲରେ ଆସି ତାଙ୍କ ଠାରୁ ମୋବାଇଲ ଫୋନ ଝାମ୍ପି ନେଇଥିଲେ । ଏନେଇ ସେ ଜଟଣୀ ଥାନାରେ ଅଭିଯୋଗ ହୋଇଥିଲେ । ଘଟଣାର ତଦନ୍ତ କରି ଜଟଣୀ ପୋଲିସ ପାଞ୍ଚ ଜଣ ମୋବାଇଲ ଲୁଟେରାଙ୍କୁ ଗିରଫ କରିଛି ।
5 ମୋବାଇଲ ଲୁଟେରା ଗିରଫ: 15ଟି ଚୋରା ମୋବାଇଲ ଜବତ
ଏଥିସହ ତାଙ୍କଠାରୁ 15ଟି ଚୋରା ମୋବାଇଲ ଫୋନ ଓ ଗୋଟିଏ ମୋଟର ସାଇକେଲ ଜବତ କରିଛି । ଗିରଫ ଅଭିଯୁକ୍ତମାନେ ହେଲେ ଜଟଣୀ ଅଞ୍ଚଳର ଖଗେଶ୍ୱର ପ୍ରଧାନ, ବୃନ୍ଦାବନ ସାହୁ, କ୍ରୀଷ୍ଣ ଚରଣ ବେହେରା ଏବଂ ପିପିଲି ଥାନା ସାନକଣ୍ଟି ଅଞ୍ଚଳର ପବିତ୍ର ବେହେରା ଓ ବିଷ୍ଣ ସାସମଲ । ଏମାନଙ୍କ ନାମରେ ପୂର୍ବରୁ ଜଟଣୀ ଥାନାରେ ବହୁ ମାମଲା ଥିବା ପୋଲିସ କହିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
