ଖୋର୍ଦ୍ଧା: ଜିଲ୍ଲାର ଗେଡ଼ିଆପଲି ଓ ଗୋବିନ୍ଦପୁରରେ ବୋମା ପକାଇ ଏଟିଏମ ଗାଡିରୁ ଲକ୍ଷାଧିକ ଟଙ୍କା ଲୁଟ ଘଟଣା । ଗତ 18ତାରିଖରେ ପୋଲିସ ଏନକାଉଣ୍ଟରରେ ଦୁଇ କୁଖ୍ୟାତ ଅପରାଧୀ ପିଣ୍ଟୁ ମାଝି ଓ ଉମେଶ ସାହୁ ଆହତ ହୋଇଥିଲେ । ବୁଧବାର ପିଣ୍ଟୁ ଓ ଉମେଶଙ୍କ ସମେତ ସୁବ୍ରତ କୁମାର ପ୍ରଧାନ ଓ ପୀତାମ୍ବର ପ୍ରଧାନ ଏବଂ ମିଥୁନ ବେହେରାଙ୍କୁ ବେଗୁନିଆ ପୋଲିସ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତଙ୍କ ଠାରୁ 2ଟି ମଟର ସାଇକେଲ, ଆଧାର ଓ ପାନ କାର୍ଡ, 2ଟି ଜୀବନ୍ତ ଗୁଳି, 2ଟି ଖୋକା ଏବଂ ଗୋଟିଏ ବନ୍ଧୁକ ଜବତ କରିଛି ।
ଏନେଇ ଆଜି(ବୁଧବାର) ଏସଡ଼ିପିଓଙ୍କ କାର୍ଯ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀରେ ଡ଼ିଏସପି ଓମ୍ ପ୍ରକାଶ ପାତ୍ର ସୂଚନା ଦେଇଛନ୍ତି । ଅଭିଯୁକ୍ତମାନେ ଗତ 12ତାରିଖ ଦିନ ଗେଡ଼ିଆପଲି ଓ ଗୋବିନ୍ଦପୁର ମଧ୍ୟ ରାସ୍ତାରେ ବୋମା ପକାଇ ଏଟିଏମ ଗାଡିରୁ ଲକ୍ଷାଧିକ ଟଙ୍କା ଲୁଟ ଘଟଣାରେ ସଂପୃକ୍ତ ଥିଲେ । ସେହିପରି ଗିରଫ ଅଭିଯୁକ୍ତଙ୍କ ନାମରେ ବିଭିନ୍ନ ଥାନାରେ ଏକାଧିକ ମାମଲା ରହିଥିବା ସୂଚନା ଦେଇଛି ପୋଲିସ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
