ଭୁବନେଶ୍ବର: ରାଜଧାନୀରେ ବ୍ରିଟେନ ଫେରନ୍ତା ବଢାଇଲେ ଚିନ୍ତା । ପୁଣି ଆଉ ଜଣେ ବ୍ରିଟେନ ଫେରନ୍ତା 4 ବର୍ଷର ଶିଶୁ କୋଭିଡ ପଜିଟିଭ ହୋଇଛି । ଉକ୍ତ ଶିଶୁର ବାପା ମା'ଙ୍କର ନମୁନା ପରୀକ୍ଷା ପାଇଁ ପଠାଯାଇଛି ।
ଶିଶୁଟି ଓଲଡ଼ ଟାଉନ ଅଞ୍ଚଳର ବୋଲି ଜଣାପଡି଼ଛି । ଡିସେମ୍ବର 20 ତାରିଖରେ ଉକ୍ତ ଶିଶୁର ପରିବାର ଓଡିଶା ଫେରିଥିଲେ । ବିଏମସି ଏହି ପରିବାରର କଣ୍ଟାକଟ ଟ୍ରେସିଂ କରୁଥିବା ସୂଚନା ମିଳିଛି । ତେବେ ରାଜ୍ୟରେ ଗତ 14 ଦିନ ମଧ୍ୟରେ 2 ଜଣ ବ୍ରିଟେନ ଫେରନ୍ତାଙ୍କୁ କୋଭିଡ ହୋଇଛି ।
ଗତ ବୁଧବାର ୟୁକେରୁ ଫେରିଥିବା ଜଣେ 34 ବର୍ଷର ଯୁବକ କୋରୋନା ପଜିଟିଭ ଚିହ୍ନଟ ହୋଇଥିଲେ । ସେ ଡିସେମ୍ବର 18 ତାରିଖରେ ତାଙ୍କ ବାସଭବନକୁ ଫେରିଥିବା ବେଳେ ତାଙ୍କୁ ହୋମ ଆଇସୋଲେସନରେ ରଖାଯାଇଛି । ତେବେ ଗତ 14 ଦିନ ମଧ୍ୟରେ ବ୍ରିଟେନରୁ 43 ଜଣ ଓଡି଼ଶା ଫେରିଛନ୍ତି ।
ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ
