ଖୋର୍ଦ୍ଧା: ଜଟଣୀ ଥାନା ଅଞ୍ଚଳରୁ ଚାରିଜଣ ଡ଼କାୟତଙ୍କୁ ଗିରଫ କରିଛି ଜଟଣୀ ପୋଲିସ । ଡକାୟତ ଯୋଜନା କରୁଥିବାବେଳେ ପୋଲିସ ବିପୁଳ ପରିମାଣରେ ମାରଣାସ୍ତ୍ର ସହ 4 ଜଣଙ୍କୁ ଗିରଫ କରିଛି ।
ଚାରି ଡକାୟତକୁ ଗିରଫ କଲା ଜଟଣୀ ପୋଲିସ
ସୂଚନା ଅନୁଯାୟୀ ଜଟଣୀ ଆଇଆଇଟି ତରାବୋଇ ରାସ୍ତାରେ ଡକାୟତି ପାଇଁ ଉଦ୍ୟମ କରୁଥିବା ସମୟରେ ଜଟଣୀ ପୋଲିସ ଚଢ଼ାଉ କରି ଚାରିଜଣଙ୍କୁ ଗିରଫ କରିଛି । ସେମାନଙ୍କୁ ନିକଟରୁ ପୋଲିସ ଖଣ୍ଡା, ଭୁଜାଲି,ଲୁହା ରଡ଼ ଜବତ କରିଛି । ଗିରଫ ଡକାୟତ ମାନେ ମୁଣ୍ଡିଆ ସାହିର ସେକ ଆଜମି,ରାଜାବଜାର ଅଞ୍ଚଳର ରେହମତ ସରିଫ, ବଡନୂଆଗାଁର ରଞ୍ଜନ ବାରିକ ଓ ପଦନପୁରର ରଘୁନାଥ ଦାସ ବୋଲି ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା ,ଇଟିଭି ଭାରତ
