ଖୋର୍ଦ୍ଧା: କଡାକଡି ନିୟମ ପରେ ବି ଚିଲିକାରେ ବନ୍ଦ ହେଉନି ବିଦେଶୀ ପକ୍ଷୀ ଶିକାର । ବନ୍ୟପ୍ରାଣୀ ବିଭାଗର ସମସ୍ତ କଟକଣାକୁ ଫୁ କରି ଉଡାଇ ଦେଉଛନ୍ତି ଶିକାରୀ ।
ବିଦେଶୀ ପକ୍ଷୀଙ୍କୁ ଶୀକାର, ମୃତ ପକ୍ଷୀ ସହ ଶିକାରୀ ଗିରଫ
ବରୁଣପଡା ନିକଟ ଚିଲିକା ଭିତରେ ଥିବା ଫିଟିଖମ୍ବରେ ବିଦେଶୀ ପକ୍ଷୀ ଶିକାର କରୁଥିବାର ଖବର ପାଇ ଟାଙ୍ଗୀ ବନ୍ୟପ୍ରାଣୀ ବିଭାଗ ଚଢାଉ କରି ୩ ଜଣ ପକ୍ଷୀ ଶିକାରୀଙ୍କୁ ଗିରଫ କରିଛି । ସେମାନଙ୍କଠାରୁ ୧୩ଟି ମୃତ ବିଦେଶୀ ପକ୍ଷୀ ଜବତ କରିଛି ବନ୍ୟପ୍ରାଣୀ ବିଭାଗ ।
ଏହାସହ ୩ଟି ପକ୍ଷୀ ଅଣ୍ଡା ଓ ପକ୍ଷୀ ଶିକାର ପାଇଁ ବ୍ୟବହାର କରୁଥିବା ଏକ ମେସିନ ଡଙ୍ଗାକୁ ମଧ୍ୟ୍ୟ ଜବତ କରାଯାଇଛି । ତେବେ ଗିରଫ ପକ୍ଷୀ ଶିକାରୀ ହେଲେ ଖୋର୍ଦ୍ଧା ଟାଙ୍ଗୀ ଥାନା ସୋରଣ ଗ୍ରାମର ବିଜୟ ବେହେରା, ରଥ ବେହେରା ଏବଂ ବୁଲୁ ଦଳାଇ ।
ତେବେ ଶିକାରୀ ପକ୍ଷୀଙ୍କୁ ଶିକାରୀ କରି ବିଭିନ୍ନ ହୋଟେଲକୁ ଯୋଗାଉଥିବା ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
