ଖୋର୍ଦ୍ଧା: ପୁଣି ଖୋର୍ଦ୍ଧା ଜିଲ୍ଲାରୁ ଗୁରୁବାର 11 ଜଣ ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଚିହ୍ନଟଙ୍କ ମଧ୍ୟରେ ବାଲିପାଟଣା ବ୍ଲକରୁ ଜଣେ, ଟାଙ୍ଗି ବ୍ଲକ ହରିପୁର ପଞ୍ଚାୟତରୁ 5ଜଣ,ବେଗୁନିଆ ବ୍ଲକରୁ 2ଜଣ ଏବଂ ବୋଲଗଡ଼ ବ୍ଲକରୁ 3ଜଣଙ୍କର ଗୁରୁବାର କୋରୋନା ରିପୋର୍ଟ ପଜେଟିଭ ଆସିଛି ।
ଏମାନଙ୍କ ମଧ୍ୟରୁ 10ଜଣ କ୍ଵାରେଣ୍ଟାଇନ ସେଣ୍ଟରରେ ଥିଲେ । ପୂର୍ବରୁ ବେଗୁନିଆ ବ୍ଲକରେ ମୃତ୍ୟୁ ବରଣ କରିଥିବା କୋରୋନା ସଂକ୍ରମିତଙ୍କ ସମ୍ପର୍କୀୟ ଗୁରୁବାର ଚିହ୍ନଟ ହୋଇଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ମିଳିଛି । ସମସ୍ତ ସଂକ୍ରମିତଙ୍କୁ କୋଭିଡ-19 ହସ୍ପିଟାଲକୁ ସ୍ଥାନାନ୍ତର କରାଯାଇଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଈଟିଭି ଭାରତ
