କେନ୍ଦୁଝର: ଚୋରା କାଠ ସହ ଅଟୋକୁ ଜବତ କଲା ବନବିଭାଗ । ଚୋରା କାଠ ଚାଲାଣକୁ ନେଇ ଶକ୍ତ ହୋଇଛି ପାଟଣା ବନ ବିଭାଗ । ବିଭାଗ ପକ୍ଷରୁ ବିଭିନ୍ନ ସମୟରେ ଏହି ଚୋରା ଚାଲାଣକୁ ନେଇ ଚଢାଉ ଜାରି ରହିଛି ।
ଚୋରା କାଠ ସହ ଅଟୋକୁ ଜବତ କଲା ବନବିଭାଗ
ପାଟଣା ବନାଞ୍ଚଳ ଅଧିନସ୍ଥ ଉଦୟପୁର ନିକଟରୁ ଏକ ଚୋରା କାଠ ବୋଝେଇ ଅଟୋକୁ ଧରିବାରେ ସଫଳ ହୋଇଥିଲା ବିଭାଗ । ଉକ୍ତ ଅଟୋଟି ବିଲା ଛକ ଆଡୁ ଉଦୟପୁର ଗ୍ରାମକୁ ଆସୁଥିବା ବେଳେ ଧରାପଡିଥିଲା । ଅଟୋକୁ ଜବତ କରିଥିବା ବେଳେ ସେଥିମଧ୍ୟରୁ ଆଠ ଖଣ୍ଡ ଦୁଆର ବନ୍ଧକୁ ମଧ୍ୟ ଜବତ କରିଛି ବନ ବିଭାଗ । ଧରପଗଡ ବେଳେ ଡ୍ରାଇଭର ଫେରାର ଥିବା ବିଭାଗ ପକ୍ଷରୁ ଜଣାପଡ଼ିଛି।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର,ଇଟିଭି ଭାରତ
