କେନ୍ଦୁଝର: ଲକ୍ଷାଧିକ ଟଙ୍କାର ଚୋରା କାଠ ସହ 3ଟି ଗାଡି ଜବତ । କେନ୍ଦୁଝର ବନଖଣ୍ଡ ବର୍ତ୍ତମାନ କାଠ ମାଫିଆଙ୍କ ଭୂସ୍ବର୍ଗ ପାଳିଟିଥିବା ବେଳେ ଦିନକୁ ଦିନ ସେମାନଙ୍କ ଦୋରାତ୍ମ୍ୟ ବୃଦ୍ଧି ପାଇବାରେ ଲାଗିଛି । ଗତକାଲି ରାତିରେ ତିନୋଟି ଚୋରା କାଠ ଗାଡି ସହ ତିନି ଲକ୍ଷ ଟଙ୍କାରୁ ଉର୍ଦ୍ଧ୍ବ ଟଙ୍କାର କାଠ ଜବତ କରିଛି ଜଙ୍ଗଲ ବିଭାଗ ।
ତିନି ଲକ୍ଷ ଟଙ୍କାର ଚୋରା କାଠ ସହ 3 ଗାଡି ଜବତ
କେନ୍ଦୁଝର ସଦର ରେଞ୍ଜ ଚୋରା କାଠ ଚାଲାଣ ହେଉଥିବା ଖବର କୌଣସି ସୂତ୍ରରୁ ପାଇ ଏସିଏଫଙ୍କ ନେତୃତ୍ବରେ 4ଟି ଟିମ ଗଠନ କରାଯାଇଥିଲା । ଏହି ଟିମ ଗତକାଲି ରାତିରେ କାଠ ଆସୁଥିବା ସ୍ଥାନରେ ତଦନ୍ତ କଡାକଡ଼ି କରିଥିଲେ । ବାଉରୀପଦା ନିକଟରେ ଚେକିଂ ସମୟରେ କାଠ ବୋଝେଇ ଦୁଇଟି ବଲେରୋ ଜବତ କରାଯାଇଥିବା ବେଳେ ଶୁଆକାଠି ପଟୁ ଆସୁଥିବା ଏକ ସ୍କ୍ରପିଓକୁ ମଧ୍ୟ ଜବତ କରିଛି ସଦର ପୋଲିସ । 3ଟି ଗାଡିର ଡ୍ରାଇଭର ଫେରାର ହୋଇଯାଇଥିବା ବେଳେ ଗାଡି ମାଲିକଙ୍କ ନାମରେ ମାମଲା କରାଯିବ ବୋଲି ସଦର ଫରେଷ୍ଟର ପ୍ରକାଶ କରିଛନ୍ତି ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
