କେନ୍ଦୁଝର: ପୋଖରୀରେ ବୁଡି ଦୁଇ ମୃତ । ଚମ୍ପୁଆ ଏନଏସି ଅନ୍ତର୍ଗତ 4 ନମ୍ବର ୱାର୍ଡର ଅଲିନଗର ସ୍ଥିତ ଏକ ପୋଖରୀକୁ ଗାଧୋଇବାକୁ ଯାଇ ଦୁଇ ଭାଇଙ୍କ ମୃତ୍ୟୁ ଘଟିଛି । ଆଜି ଅଲିନଗରର ମହମ୍ମଦ ହୁସେନଙ୍କର 10ବର୍ଷର ପୁଅ ମହମ୍ମଦ ଅଫଜଲ ହୁସେନ ନିଜର ଦାଦା ପୁଅଙ୍କ ସହ ଇମ୍ରାନ ହୁସେନଙ୍କ ସହ ନିକଟସ୍ଥ ପୋଖରୀକୁ ଗାଧୋଇବାକୁ ଯାଇ ବହୁ ସମୟ ପର୍ଯ୍ୟନ୍ତ ଫେରି ନଥିଲେ ।
ପୋଖରୀରେ ବୁଡି ଦୁଇ ଭାଇ ମୃତ, ଗ୍ରାମରେ ଶୋକାକୂଳ ପରିବେଶ
ଘର ଲୋକେ ବହୁ ଖୋଜାଖୋଜି କରିବାପରେ ଦୁଇ ଜଣଙ୍କୁ ପୋଖରୀରେ ଭାସୁଥିବା ଦେଖିବାକୁ ପାଇଥିଲେ । ସେଠାରୁ ତାଙ୍କୁ ଉଦ୍ଧାର କରି ଚମ୍ପୁଆ ଡାକ୍ତରଖାନାରେ ଭର୍ତ୍ତି କରିଥିଲେ । ମାତ୍ର ଡାକ୍ତରଖାନାରେ ଡାକ୍ତର ଦୁଇ ଭାଇଙ୍କୁ ମୃତ ଘୋଷଣା କରିଥିଲେ । ଏହି ଘଟଣା ପ୍ରଘଟ ହେବା ପରେ ଚମ୍ପୁଆ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
କେନ୍ଦୁଝରରୁ ସନ୍ତାେଷ କୁମାର ମହାପାତ୍ର, ଇଟିଭି ଭାରତ
