କେନ୍ଦୁଝର: ରିମୁଳି-ରାଜାମୁଣ୍ଡା ରାସ୍ତାର କଣ୍ଡରା ପେଟ୍ରୋଲ ପମ୍ପ୍ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା। ଟ୍ରକ୍ ଧକ୍କାରେ ୨ ଜଣ ସ୍କୁଟି ଆରୋହୀଙ୍କ ଶୋଚନୀୟ ମୃତ୍ୟୁ ହୋଇଛି ।
ସ୍କୁଟି ଉପରେ ମାଡିଗଲା ଟ୍ରକ
ଆଜି(ରବିବାର) ସକାଳ ସମୟରେ ଦୁର୍ଘଟଣା ଘଟିଥିବା କୁହାଯାଉଛି । ମୃତକ ହେଲେ ଚମ୍ପୁଆ ଥାନା ବାସୁଦେବପୁର ଅଞ୍ଚଳର ବୁଦ୍ଧଦେବ ମୁଣ୍ଡା ଓ ଧୋବାକଚଡ଼ା ଗାଁର ଗୋପୀନାଥ ପାତ୍ର । ଉଭୟ ସ୍କୁଟି ଯୋଗେ ଯୋଡ଼ା ପଟକୁ ଯାଉଥିବା ବେଳେ ସାମ୍ନାରୁ ଆସୁଥିବା ଏକ ଟ୍ରକ୍ ତାଙ୍କ ଉପରକୁ ମାଡିଯାଇଥିଲା ।
ତେବେ ଘଟଣାସ୍ଥଳରେ ସେମାନଙ୍କର ମୃତ୍ୟୁ ଘଟିଥିଲା । ଦୁର୍ଘଟଣା ଘଟାଇଥିବା ଟ୍ରକଟି ରିମୁଳି ଫାଣ୍ଡିରେ ଅଟକଥିବା ଖବର ମିଳିଛି । ମୃତକଙ୍କ ଶରୀରକୁ ଉଦ୍ଧାର କରି ଅଧିକ ତଦନ୍ତ ଚଳାଇଛି ଯୋଡ଼ା ପୋଲିସ ।
କେନ୍ଦୁଝରରୁ ସନ୍ତୋଷ ମହାପାତ୍ର, ଇଟିଭି ଭାରତ
