ଆନନ୍ଦପୁର: ଆନନ୍ଦପୁର ଓ ଘଷିପୁରା ଥାନାର ପୃଥକ ପୃଥକ ତିନୋଟି ସ୍ଥାନରେ ବାଇକ୍ ଦୁର୍ଘଟଣା । ସମସ୍ତ ଦୁର୍ଘଟଣା ଗତକାଲି(ଶନିବାର) ବିଳମ୍ବିତ ରାତିରେ ଘଟିଥିବାବେଳେ ୩ ଜଣଙ୍କ ଜୀବନ ଯାଇଛି । ଘଷିପୁରା ଥାନା ଧକୋଠା ଠାରେ ବାଇକ୍ ଦୁର୍ଘଟଣା ଘଟି ଶୈଲଙ୍ଗ ଗ୍ରାମର ସଂଗ୍ରାମ ମୁଦୁଲିଙ୍କ ମୃତ୍ୟୁ ଘଟିଛି ।
ସେହିପରି ଆନନ୍ଦପୁର ଥାନା ଶିଳ୍ପାବେଢା ଛକ ଠାରେ ବାଇକ୍ ଦୁର୍ଘଟଣାରେ ଦେଉଝରଣ ଗ୍ରାମର ଦାମଦର ଲିଆଙ୍କିଙ୍କ ମୃତ୍ଯୁ ଘଟିଥିବାବେଳେ ସାଙ୍ଗରେ ଥିବା ତାଙ୍କ ବନ୍ଧୁ ଆହତ ହୋଇଛନ୍ତି । ସେପଟେ ପୁରୁଣାପିଣି ଛକ ନିକଟରେ ଜଞ୍ଜାଳୀ ଗ୍ରାମର ବିଜୁ ବରଦାଙ୍କ ବାଇକ୍ ଭାରସାମ୍ଯ ହରାଇ ଏକ ଗଛରେ ଧକ୍କା ଦେବାରୁ ତାଙ୍କର ମୃତ୍ଯୁ ଘଟିଛି । ମୃତଦେହ ଗୁଡିକ ଉଭୟ ଥାନା ପୋଲିସ୍ ଜବତ କରି ତଦନ୍ତ ଚଳାଇଛି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
