କେନ୍ଦୁଝର : ସଙ୍ଗରୋଧ କେନ୍ଦ୍ରରେ କୋଭିଡ ନିୟମକୁ ଫୁ କରି ଉଡାଇ ଦେଉଛନ୍ତି ପ୍ରବାସୀ ଓଡ଼ିଆ । ସଙ୍ଗରୋଧ କେନ୍ଦ୍ରର ପାଚେରୀ ଡେଇଁ ଫେରାର ହେଉଥିବାବେଳେ ସ୍ଥାନୀୟ ଯୁବକ ଧରି ପୋଲିସ ଜିମା ଦେଇଥିଲେ । । କେନ୍ଦୁଝର ଜିଲ୍ଲା ତେଲକୋଇ ବ୍ଲକ ଖୁଣ୍ଟାପଡା ସଙ୍ଗରୋଧ କେନ୍ଦ୍ରରୁ ଦୁଇ ଜଣ ପ୍ରବାସୀ ଶୁକ୍ରବାର ବିଳମ୍ବିତ ରାତିରେ ପାଚେରୀ ଡେଇଁ ବାହାରକୁ ପଳାଇଯାଉଥିବାବେଳେ ସଙ୍ଗରୋଧ କେନ୍ଦ୍ର ପାଖରେ ଥିବା ସାହିର କିଛି ଯୁବକ ଦେଖିଥିଲେ । ଏବଂ ଦୁଇଜଣ ପ୍ରବାସୀଙ୍କୁ ଅଟକାଇ ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ସେମାନଙ୍କୁ ସଙ୍ଗରୋଧ କେନ୍ଦ୍ରକୁ ପଠାଇଥିଲା ।
ସୂଚନା ମୁତାବକ ଗତ ଚାରିଦିନ ତଳେ ସଂପୃକ୍ତ ସଙ୍ଗରୋଧ କେନ୍ଦ୍ରରୁ ତିନି ଜଣ ପ୍ରବାସୀ ପଜେଟିଭ ଚିହ୍ନଟ ହୋଇ କୋଭିଡ ହସପିଟାଲରେ ଚିକିତ୍ସିତ ହେଉଛନ୍ତି । ଏଭଳି ସ୍ଥିତିରେ ସେହି ସଙ୍ଗରୋଧ କେନ୍ଦ୍ରରୁ ପ୍ରବାସୀ ଫେରାର ଘଟଣା ସମସ୍ତଙ୍କୁ ଚିନ୍ତାରେ ପକେଇ ଦେଇଛି । ସଙ୍ଗରୋଧ କେନ୍ଦ୍ରରେ ସିକ୍ୟୁରିଟ ବ୍ୟବସ୍ଥା ନଥିବାରୁ ମନଇଛା ପ୍ରବାସୀ ଓଡ଼ିଆଙ୍କୁ ଫେରାର ହେବାପାଇଁ ସୁଯୋଗ ମିଳୁଥିବା ଅଭିଯୋଗ ହେଉଛି ।ଏନେଇ ତେଲକୋଇ ବିଡ଼ିଓଙ୍କ ପ୍ରତିକ୍ରିୟା ମିଳିପାରି ନାହିଁ ।
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
