ଆନନ୍ଦପୁର : ଆନନ୍ଦପୁର ଉପଖଣ୍ଡ ରାମଚନ୍ଦ୍ରପୁର ଥାନା ବାମ୍ପିଡ଼ି ଗ୍ରାମ ନିକଟ ବିଲରୁ ଜଣେ ମହିଳାଙ୍କ ମୃତଦେହ ଉଦ୍ଧାର କରାଯାଇଛି । ମୃତା ମହିଳା ଜଣକ ହେଉଛନ୍ତି ମାଙ୍କଡକେନ୍ଦା ଗାଁର ମିନା ନାଇକ । ମିନା ଗତକାଲି ନିକଟସ୍ଥ ଏକ ଗ୍ରାମରେ ଥିବା ନାଳକୁ ମାଛ ଧରିବାକୁ ଯାଇଥିଲା । ହେଲେ ସେ ଆଉ ଘରକୁ ଫେରି ନଥିଲା ବୋଲି ପରିବାର ଲୋକେ କହିଛନ୍ତି ।
ରାମଚନ୍ଦ୍ରପୁର ଥାନା ବାମ୍ପିଡ଼ି ଗ୍ରାମ ନିକଟ ବିଲରୁ ଜଣେ ମହିଳାଙ୍କ ମୃତଦେହ ଉଦ୍ଧାର
ଆଜି ସକାଳ ସମୟରେ ସେହି ବାଟ ଦେଇ ଯାଉଥିବା କିଛି ଲୋକେ ମୃତଦେହକୁ ଦେଖିଥିଲେ ଏବଂ ତାଙ୍କ ପରିବାର ଲୋକଙ୍କୁ ଖବର ଦେଇଥିଲେ । ରାମଚନ୍ଦ୍ରପୁର ପୋଲିସ ସୂଚନା ପାଇବା ପରେ ଘଟଣା ସ୍ଥଳରେ ପହଞ୍ଚି ମୃତ ଶରୀରକୁ ଉଦ୍ଧାର କରିଥିଲେ । ଏହି ଘଟଣା ସମ୍ପର୍କରେ ପେଲିସ ଅଧିକ ତଦନ୍ତ ଜାରି ରଖିଛି ।
ଆନନ୍ଦପୁରରୁ ସ୍ମୃତି ରଞ୍ଜନ ବିହାରୀ, ଇଟିଭି ଭାରତ
