କେନ୍ଦୁଝର: ଯବାନଙ୍କ ସ୍ମୃତିରେ ଗାଁରେ ଶୋକାକୁଳ ପରିବେଶ । ସମସ୍ତଙ୍କ ଆଖିରୁ ଝରୁଥିଲା ଲୁହ । ଗାଁର ଲଢ଼ୁଆ ପୁଅ ଲକ୍ଷ୍ମଣ ମାଝୀଙ୍କ ମରଶରୀର ସାହାରପଡା ବ୍ଲକ ଶଙ୍ଖୁଆ ପଞ୍ଚାୟତ ଜାରିକିନାଳି ଗାଁ ରେ ପହଞ୍ଚିବା ପରେ ସୃଷ୍ଟି ହୋଇଥିଲା ଶୋକାକୁଳ ପରିବେଶ । ଗତ ୧୩ ତାରିଖ ସକାଳ ୯ ଟା ସମୟରେ ଗୌହାଟୀ ମେଡିକାଲ କଲେଜରେ ଚିକିତ୍ସାଧୀନ ଅବସ୍ଥାରେ ଲକ୍ଷଣଙ୍କ ମୃତ୍ୟୁ ଘଟିଥିଲା । ଆଜି ସକାଳେ ତାଙ୍କ ମରଶରୀର ଗାଁରେ ପହଞ୍ଚିବା ପରେ ରାଷ୍ଟ୍ରୀୟ ମର୍ଯ୍ୟାଦା ସହ ପୈତୃକ ଗ୍ରାମରେ ଶେଷକୃତ୍ୟ ସମ୍ପନ୍ନ କରାଯାଇଛି ।
୨୦୧୪ ମସିହାରେ ଲକ୍ଷ୍ମଣ ପ୍ରଥମେ ଖୋର୍ଦ୍ଧାରେ ଚାକିରୀରେ ଯୋଗ ଦେବା ପରେ ଅରୁଣାଚଳ ପ୍ରଦେଶର ଆଇଟିବିପି ୨୦ ବାଟାଲିୟନରେ ଭାରତ ଓ ଚୀନ ସୀମାରେ ଏଲନ ଠାରେ ଯୋଗ ଦେଇଥିଲେ । ସେଠାରେ କାର୍ଯ୍ୟରତ ଅବସ୍ଥାରେ ଥିବା ବେଳେ ଅସୁସ୍ଥ ହେବାରୁ ତାଙ୍କୁ ଗୌହାଟୀ ମେଡିକାଲ କଲେଜରେ ଭର୍ତ୍ତି କରାଯାଇଥିଲା । ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହେବା ପରେ ମରଶରୀର ଗାଁରେ ପହଁଚିଥିଲା। ଏହାପରେ ଆଇଟିବିପି ୪୧ ବାଟାଲିୟନର ଯବାନ ଓ ପାଟଣା ପୋଲିସ ଗାର୍ଡ ଅଫ ଅନର ଦେଇ ଶେଷକୃତ୍ୟ ସମ୍ପନ୍ନ କରିଥିଲା । ଶୋକର ଛାୟା ମଧ୍ୟରେ ପଞ୍ଚଭୂତରେ ଲୀନ ହୋଇଛି ଲକ୍ଷଣ ମାଝୀଙ୍କ ପାର
କେନ୍ଦୁଝରରୁ ସନ୍ତୋଷ କୁମାର ମହାପାତ୍ର, ଇଟିଭି ଭାରତ
